Асылы Әлиқызы Осман

Асылы Әлиқызы Осман (13 шілде 1941 жыл, Грузия, Ахалқалақ ауданы, Хавет ауылында туған) – қазақстандық ғалым, қоғам қайраткері, Филология ғылымының докторы, профессор. Қазақстанның еңбек сіңірген қайраткері. «Парасат ордені» нің және "Тіл жанашыры" құрмет белгісінің иегері.

Асылы Осман
Асылы Әлиқызы Осман
Туған күні	13 шілде 1941 (1941-07-13) (83 жас)
Туған жері	Грузия, Ахалқалақ ауданы, Хавет ауылы
Азаматтығы	Қазақстан
Марапаттары мен сыйлықтары	Қазақстанның еңбек сіңірген қайраткері

Толығырақ

Асылы Әлиқызы Осман 1941 жылы 13 тамызда Грузияның Ахалкалак ауданында Хавет ауылында дүниеге келген. 1944 жылы қараша айында отбасы Қазақстанға жер аударылады.

Білімі

• 1957 жылы Оңтүстік Қазақстан обласының Түлкібас ауданындағы Жаңаталап жетіжылдық орта мектебін бітірген.
• 1957 - 1961 жылдары Түрікстан педучилищесінде оқып, оны бастауыш мектеп мұғалімі мамандығы бойынша аяқтады.
• 1963- 1967 жылдары 1963 жылдан 1967 жылға дейін Алматыдағы Қазақ мемлекеттік қыздар педагогикалық институтының филология факультетінде оқып, оны қазақ тілі мен әдебиеті мамандығы бойынша үздік бітірді.
• 1973 жылы Қазақ ҰҒА тіл білімі ин-тының аспирантурасын (1973) бітірген.

Еңбек жолы

• 1973 жылдан бастап Қазақстан Республикасының Ұлттық ғылым академиясының корреспондент-мүшесі.
• 1973 - 1993 жылдары Тіл білімі институтында ғылыми қызметкер;
• 1993 - 1996 жылдары ҚР Министрлер Кабинеті жанындағы тіл комитетітінің Ұлт тілдерін дамыту басқармасының бастығы;
• 1996 жылдан ҚР ұлт саясаты жөніндегі мемлекеттік комитеті мемлекеттік тілді дамыту, терминология және ономастика жұмысы жөніндегі Бас басқармасының бастығы.

Қоғамдық қызметі

Ол қазақ тілі жөнінде жазылған көптеген ғылыми кітаптар мен сөздіктердің авторы. Осы тақырыпта баспасөз беттерінде 200-ден аса ғылыми және аударма мақалалары жарық көрген. Асылы Әлиқызы Осман қазақ тілін дамыту, оны шын мәнінде мемлекеттік тіл деңгейіне жеткізу ісіне белсене ат салысып жүрген белгілі қоғам қайраткері.

• Мемлекеттік тілге құрмет бірлестігінің төрайымы,
• Мемлекеттік тіл қоғамдық қозғалысының төраға орынбасары
• Қазақстан халқы ассамблеясының мүшесі.
• Мемлекет басшысы Н. Назарбаевтың бастамасымен құрылған «Мемлекеттік тілді дамыту қорының» Қамқоршылық кеңесінің мүшесі.

Марапаттары

• ҚР Мәдениет министрлігінің "Мәдениет қайраткері" құрметті белгісі;
• "Тіл жанашыры" құрметті белгісі;
• Қазақстанның еңбек сіңірген қайраткері құрметті атағымен марапатталған.
• «Парасат ордені»нің иегері;
• "Астанаға - 10 жыл" медалі;
• "ҚР конститутциясына - 10 жыл" медалі;
• "ҚР тәуелсіздігіне - 20 жыл" медалі;
• "Белсенді қызыметі үшін" медальі;
• "Қазақстан халқы ассамблиясына - 20 жыл" медальі;
• Бірнеше "Құрмет" грамоталарымен "Алғыс хат"тар мен марапатталған.
• Түркістан облысының Түлкібас ауданының Құрметті азаматы (атағы);
• Алматы облысының Құрметті азаматы (атағы);

Шығармалары:

1991 жылы «Синонимдес етістіктердің семантика-стилистикалық қызметі», 1994 жылы «Қазақша-түрікше-орысша тілашар» еңбектері жарық көрген. Сонымен қатар, он томдық «Қазақ тілінің түсіндірме сөздігін» (1974-1986 жылдар) құрастырушылардың бірі әрі ғылыми жинақтар жазуға қатысқан. 300-ден астам ғылыми және ғылыми-көпшілік мақалалары, басқа тілдерден аудармалары жарияланған.