Ахмет Ахат

Ахмет Ахат -1954 жылы 4 сәуірде ҚХР Құлжа қаласында туған.

Отбасы

Әкесі - Хасанов Махмұт, марқұм, кеңшарда жумыс істеген.

Анасы - Хасанова Зиваням, марқұм, кеңшарда жұмыс істеген.

Үйленген. Жұбайы - Ахатбакиева X. (1956 жылы туған ), «Оrһоn» галереясының менеджері. Ұлдары - Ахатбакиев М. (1977 жылы туған ), Ахатбакиев Р. (1979 жылы туған ). Немерелері -Ясмина, Эмир, Исмира, Аиша.

Өмірбаяны

Абай атындағы Қазақ педагогикалық институының көркем сурет-графика факультетін (1974) суретші график, қолданбалы өнер иесі мамандығы бойынша; ҚР ҒА Шығыстану институтының аспирантурасын (1990) бітірген. С.Г. Строганов атындағы Мәскеу жоғары көркемсурет-өнеркәсіптік институтында дәрежені жоғарлату курстарын өтті.Бейнелеу өнерінің жанрлары - кескіндеме, графика, сәндік-қолданбалы өнер, фотоарт, бейнеарт.

«Будданы пайымдау», «Әлем гармониясы», «Ежелгі түркілік мерген», «Гобийлік квадрига», «Қашқар талтүсі» жұмыстарының авторы.

Көптеген жеке көрмелерін өткізген, оның ішінде Түркия (Анкара қаласы, 1993), Италия (Генуя қаласы, 1997), Ташкент қаласындағы Арт-биеннале (1995), АҚШ (Вашингтон қаласы, 1998,2008, Карнеги Институті), ҚР Тұңғыш Президентінің Мәдени орталығында (Астана қаласы, 2005), Қытай (2008), Астана қаласы («Құланшы» галереясы, 2008) елдеріндегі көрмелер;«Кристис» аукционына қатысқан (Лондон қаласы, 2008).

Жинақтары

Жұмыстары Ә.Қастеев атындағы Мемлекеттік өнер мұражайында, ҚР Мәдениет министрлігінің көркемсурет көрме- лердің дирекциясында, Мемлекеттік шығыс халықтар өнері мұражайында (Мәскеу қаласы), Германия, Италия, Түркия, АҚШ,Қазақстан, Астана қаласы («Ақ орда» ҚР Президентінің резиденциясы) жеке коллекцияларында сақталуда.

Фактілер

«Түріксой» түркі елдерінің Суретшілер симпозиумының (Стамбул қаласы, 2010), Гуннах Мажаристан (Венгрия, 2010) құрылтайының қатысушысы.

Көптеген альбом және каталогтар шығарған.1974-1978 жылдары - мектептерде оқытушы. 1980-1983 жылдары - «Сенеж» (Мәскеу қаласы), «Дзинтари» (Рига қаласы) шығармашылық үйлеріне шығармашылық сапарда. 1980-1983 жылдары және 1988-1993 жылдары - Алматы театр-көркемсурет институтының оқытушысы.

1993 жылдан бері - «Оrһоn» галереясының директоры.ҚазССР Суретшілер одағының мүшесі (1988 жылдан).«Ильхам» сыйлығының лауреаты. Қазақстанның Еңбек сіңірген қайраткері.

Діни көзқарасы - ислам.

Саяси қайраткер ретіндегі идеалы - Н.Ә.Назарбаев.

Қазақстанның болашағы туралы болжамы - «Қазақстанның жарқын болашағына сенемін».

Хоббиі

Дизайн, туризм.

Сүйіп оқитын әдебиеті - ұлы түркілер.

Көрмелер

• 1979 «уақыт-кеңістік-адам» халықаралық көшпелі көрме, Мәскеу және Еуропа қалалары бойынша.
• 1992 Азия Жане Тынық мұхиты мұражайы, Варшава.
• 1995 «Asia ART» топтық көрмесі, көрменің алтын медалімен марапатталды, Ташкент . 1996 «Портленд өнер мұражайы» графикалық көрмесіне қатысу, Портленд (Орегон) 2015 Қастеев атындағы мемлекеттік мұражайдағы ұйғыр суретшілерінің көрмесі.