Ақадыр ауданы

Ақадыр ауданы — 1973-1997 ж. Жезқазған облысы (кейін Қарағанды облысы) құрамында болған аудан. Құрамында 10 селолық округ пен Ақадыр, Ақжал, Ақшатау, Қайрақты, Мойынты кенттері болды. 1975 жылдан «Ақадыр таңы»—«Агадырская новь» газеті шығып тұрды.[1]

Аудан
Ақадыр ауданы
Әкімшілігі
Ел

 Қазақстан

Кіреді

Жезқазған облысы, Қарағанды облысы

Енеді

11 ауылдық округ, 7 кент

Әкімшілік орталығы

Ақадыр

Тарихы мен географиясы
Құрылған уақыты

20 наурыз 1973

Таратылған уақыты

23 мамыр 1997

Тұрғындары
Тұрғыны

26 396 адам (2009)

Тарихы өңдеу

Ағадыр ауданы 1973 жылы 20 наурызда Жезқазған облысымен бірге құрылды. Аудан құрамына Шет ауданының Ақжал, Ақшатау, Қайрақты қалалық кенттері мен Ақбұлақ, Ақсарлы, Ақшатау, Босаға, Қарабұлақ, Кеңшоқы, Тағылы ауылдық кеңестері, Қаражал қалалық кеңесінің Жамбыл қалалық кенті және Жаңаарқа ауданының Ақтау, Қызылтау, Ортау ауылдық кеңестері енді.

1974 жылы 13 ақпанда Жамбыл қалалық кенті Қаражал қалалық кеңесіне және Ақтау ауылдық кеңесі Жаңаарқа ауданына кері қайтарылып, Балқаш қалалық кеңесінің Мойынты қалалық кенті Ағадыр ауданына берілді.

1974 жылы 31 желтоқсанда Шет ауданынан Көктенкөл және Өспен ауылдық кеңестері берілсе, Ағадыр ауданынан Шет ауданына Ақшатау және Кеңшоқы ауылдық кеңестері қайтарылды.

1975 жылы 13 ақпанда Мойынты кенттік кеңесінің Киік елді мекені Босаға ауылдық кеңесінің бағынысына берілді.

1979 жылы 25 сәуірде Шет ауданынан Ақшатау ауылдық кеңесі қайтарылды.

1982 жылы 27 қаңтарда Қарабұлақ ауылдық кеңесінің орталығы Жамбыл ауылынан Ақжартас ауылына ауыстырылды.

1986 жылы ауданда 5 кенттік (Ағадыр, Ақжал, Ақшатау, Қайрақты, Мойынты) және 10 ауылдық кеңес (Ақбұлақ, Ақсарлы, Ақшатау, Босаға, Қарабұлақ, Көктенкөл, Қызылтау, Ортау, Тағылы, Успен) болған.[2]

1986 жылы 26 қарашада Босаға ауылдық кеңесінің шағындалуы есебінен Киік ауылдық кеңесі (орталығы Киік ауылы) құрылды.

1991 жылы 13 қыркүйекте Жоғарғы Қайрақты елді мекені жұмысшы кентіне жатқызылды.

1992 жылы 30 қазанда Жамбыл кенті Қаражал қалалық кеңесінен Ағадыр ауданына қайтарылды.

1997 жылы 3 мамырда Жезқазған облысының таратылуына байланысты Қарағанды облысының құрамына енді. Сол уақытта ауданда 7 кент (Ағадыр, Ақжал, Ақшатау, Жоғарғы Қайрақты, Жамбыл, Қайрақты, Мойынты) пен 11 ауылдық округ (Ақбұлақ, Ақсарлы, Ақшатау, Босаға, Қарабұлақ, Киік, Көктенкөл, Қызылтау, Ортау, Тағылы, Успен) болған.

1997 жылы 23 мамырда аудан таратылып, жері Шет ауданына қосылды.[3]

Аудан басшылары өңдеу

Аудандық партия комитетінің бірінші хатшылары өңдеу

  1. Қ. Жұмашев 1973
  2. Н.Макаренко 1973—1975
  3. И. Колбасин 1975—1988
  4. В.Карепов 1988—1991

Ауатком төрағалары өңдеу

  1. Қ.Медиев 1973—1985
  2. Ж.Серіков 1985—1999
  3. В.Карепов 1991—1992

Аудан әкімдері өңдеу

  1. В.Карепов 1992—1993
  2. Амантай Әбсалықов 1993—1994
  3. Баттал Мұқышев 1994—1997[4]

Халқы өңдеу

1979 1989[5]
 39852 43548

Дереккөздер өңдеу

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5
  2. Қазақ КСР. 1986 жылғы 1 қаңтарға әкімшілік-аумақтық бөлінісі
  3. Қарағанды облысының әкімшілік-аумақтық құрылысының тарихы бойынша анықтама (29 шілде 1936 ж. - 1 қаңтар 2006 ж.)
  4. Шет ауданы. Энциклопедия. Алматы. ҚазАқпарат. 2013. 382 б.
  5. Ресей империясы, КСРО халық санақтары