Ақадыр (Қарағанды облысы)

Ақадыр — Қарағанды облысы Шет ауданындағы кент.

Кент
Ақадыр
Әкімшілігі
Ел	ҚазақстанҚазақстан
Облысы	Қарағанды
Ауданы	Шет
Кенттік әкімдігі	Ақадыр
Тарихы мен географиясы
Координаттары	48°15′35″ с. е. 72°51′43″ ш. б.48.25972° с. е. 72.86194° ш. б. / 48.25972; 72.86194
Құрылған уақыты	1937
Уақыт белдеуі	UTC+5:00
Тұрғындары
Тұрғыны	▲9756 адам (2021)
Сандық идентификаторлары
Автомобиль коды	09
Ақадыр Ақадыр
Ақадыр шекарасы

 Басқа мағыналар үшін Ақадыр деген бетті қараңыз.

Географиялық орны

Екатеринбург-Алматы темір жолының бойында, аудан орталығы Ақсу-Аюлы ауылынан оңтүстік-батысқа қарай 82 км-дей, Қарағанды қаласынан оңтүстікке қарай 167 км-дей жерде орналасқан.

Тарихы

Іргесі өткен ғасырдың 30 жылдары Қарағанды-Мойынты теміржол құрылысының бойында Ақадыр стансасының ашылуына байланысты қаланған. Кентте 1937 жылдан бастап паровоз депосы ашылып, ол 1957 жылы тепловоздары, ал 1982 жылдан бүгінгі күндері электровозды жөндейтін ірі кәсіпорын болып есептеледі. 1973-1997 жылдары Ақадыр ауданының орталығы болған. 1997 жылы Ақадыр ауданы жабылып, Шет ауданының құрамына берілген.

Халқы

Саны (1999, 2009, 2021)

1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
10564	▼9665	▲9756	100,9	4711	▲4887	103,7	4954	▼4869	98,3

Инфрақұрылымы

Кенттің әкімшілік аумақтық бағынысындағы елді мекендерде (Ақадыр кенті мен Подхоз ауылы, Тағылы, № 906 разъезддері) 4 мектеп, аудандық емхана, ФАП, 4 отбасылық дәрігерлік амбулатория, мәдениет үйі, кітапхана, балалар өнер мектебі, балалар мен жасөспірімдер спорт мектебі, оқу-өндірістік комбинаты, балабақша, «Казақтелеком» бөлімшесі, «Қазпошта» бөлімшесі, басқа да мәдени-тұрмыстық мекемелер бар. Сонымен қатар «Қазақстан темір жолдары» жүйесіне қарасты «Ақадыр электр жабдықтау» (ЭЧ-12), темір жол дистанциясы (ПЧ-26), белгі беру және байланыс дистанциясы (ПЦЧ-21) мекемелері бар. Кент аумағында теміржол жүйесіне қарасты барлығы 14 мекеме, ұжымдар жұмыс атқарады. 46 шаруа қожалығы бар (2006). Аудандық статусы бар №2 Ақадыр аудандық соты, №2 аудандық АХАЖ, кенттік полиция бөлімшесі бар. Кент басқа елді мекендермен автомобиль жолдары арқылы байланысады.