Ақжайық орман шаруашылығы

Ақжайық орман шаруашылығы - Ақжайық ауданындағы орман мен тоғайды зерттеу, есепке алу, өсіру және уақтылы жаңартып отыру, оларды өрттен, зиянкестер мен түрлі аурулардан қорғау, т.б. жұмыстармен айналысатын шаруашылық. 1981 ж. ұйымдастырылған. Жалпы ауданы 33,384 га, оның орманы мен тоғайы бар жерінің ауданы 13,768 га. 2,5 мың га жерге қорғағыш талдар отырғызылған. Терек, тал, үйеңкі, сондай-ақ жиде, жыңғыл, қарақат, т.б. өседі. Жалпы ағаш сүрегінің қоры 1 млн 559 мың м3. Шаруашылықта жылына 1516 мың м3 ағаш сүрегі дайындалады. Оның бір бөлігі отын ретінде пайдаланылады. Батыс Қазақстан облысы. Энциклопедия.