Ақтөбе (Бұқар жырау ауданы)

Ақтөбе — Қарағанды облысы Бұқар жырау ауданындағы ауыл, Ақтөбе ауылдық округі орталығы.

Ауыл
Ақтөбе
Әкімшілігі
Ел	ҚазақстанҚазақстан
Статусы	Ауылдық округ орталығы
Облысы	Қарағанды
Ауданы	Бұқар жырау
Ауылдық округі	Ақтөбе
Тарихы мен географиясы
Координаттары	49°53′31″ с. е. 72°25′11″ ш. б.49.89194° с. е. 72.41972° ш. б. / 49.89194; 72.41972
Құрылған уақыты	1930
Уақыт белдеуі	UTC+5:00
Тұрғындары
Тұрғыны	▼556 адам (2021)
Сандық идентификаторлары
Автомобиль коды	09
Ақтөбе Ақтөбе
Ақтөбе шекарасы

 Басқа мағыналар үшін Ақтөбе (айрық) деген бетті қараңыз.

Географиялық орны

Аудан орталығы – Ботақара кентінен оңтүстік-батысқа қарай 94 км-дей, облыс орталығы – Қарағанды қаласынан батысқа қарай 42 км-дей жерде, Орталық Қазақстанның ең үлкен өзені Нұраның оң жағында орналасқан.

Тарихы

Іргесі 1930 жылы «Ақтөбе» ұжымшары ретінде қаланды. 1933 жылы Ақтөбе, Жаңаталап ұжымшарлары болып бөлінді, 1950 жылы Қазақстанның XXX жылдығы атындағы ұжымшары болып қайтадан біріктірілді. 1940 жылы ауылдық кеңес құрылды. 1961 жылы ұжымшар Осакаров ауданының «Чапаев» астық-ет-сүт кеңшарына №3 Ақтөбе бөлімшесі болып қосылды. 1974 жылы Осакаров ауданына қарасты «Чапаев» кеңшарының №3 Ақтөбе бөлімшесі мен Нұра ауданына қарасты «Куйбышев» кеңшарының №3 Ынтымақ бөлімшесі біріктіріліп, «Аманкелді атындағы» кеңшар болып құрылды. Орталығы Ақтөбе ауылы. Жерінің жалпы ауданы — 58, 4 мың га. Шаруашылықтың мамандандырылған негізгі бағыттары — егін салып, мал өсіру болды. 1997 жылы кеңшар тарағаннан кейін 3 серіктестік, 90 шаруа қожалықтары құрылған.

Халқы

Саны (1999, 2009, 2021)

1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
1004	▼764	▼556	72,8	391	▼285	72,9	373	▼271	72,7

Инфрақұрылымы

Округтің елді мекендерінде (Ақтөбе, Ынтымақ ауылдары) 2 мектеп, 2 клуб, кітапхана, ОДА, ФАП, 2 пошта бөлімшесі, «Қазақтелеком» байланыс бөлімшесі жұмыс істейді.