Батыс Қазақстан темір жолы

Батыс Қазақстан темір жолы - Қазақстан жеріндегі алғашқы темір жолтармағы. Бұл темір жол Ресей императоры II Николайдың Орал қаласына келуінен кейін, 1891 ж. басталып, 1894 ж. пайдалануға берілді. Жол құрылысы Самар губерниясының Покровск селосы (қазіргі Саратов облысындағы Энгельс қаласы) мен Белая Казарма (қазіргі Орал ст.) аралығында жүргізілді. 1930-жылдары Орал-Илецк т. ж. бөлігін салу жұмыстары басталып, 1936 ж. аяқталды. Соның нәтижесінде Ресей империясының Орта Азияға, Сібірге және Оңт. Оралға шығу жоспары жүзеге асты. 1953-59 ж. Орал темір жол бөлімшесі Орынбор темір жол әкімшілігінің қарамағында болды. Кейін Қазақ т. ж. басқармасына бағынды. Бөлімше 1962-74 ж. таратылып, Ақтөбе темір жол бөлімшесінің құрамына берілді. Кейін одан қайтадан бөлініп шықты. 1977 ж. ол жаңадан құрылған Батыс Қазақстан темір жолының құрамына енді. Қазіргі пайдалану жолының ұзындығы 498 км. Бөлімше құрамына 17 құрылымдық жол бөлімдері енеді. 1983 ж. Орал қаласында жаңа т. ж. вокзалының үйі пайдалануға бе- рілді. 1988 ж. Орал бөлімшесінің қызметкерлері мен жұмысшылары үшін қазіргі талапқа сай аурухана (150 орындық) салынды.