Бейбіт Ермекұлы Мұстафин

Бейбіт Ермекұлы Мұстафин - (1961 жыл 18 қаңтар Қарағанды қаласы) — кескіндемеші, мүсінші. Әкесі - Мұстафин Ермек, С. Сейфуллин атындағы Қарағанды Қазақ драма театрының актері. Анасы - Мұстафина Күләш Ақышқызы, мейрамхананың аспаз-кулинары.

• Жезқазған педагогикалық институтының көркемсурет және графика факультетін бітірген (1983).
• Көркемөнер академиясының мүшесі-корреспонденті.
• Өзінің кескіндемелік шығармаларында ата-бабалардың рухани мұрасының тақырыбын ашады. Сәндік және монументалды пластикамен айналысады.
• Жұмыстары Ә. Қастеев атындағы өнер мұражайында, Павлодар, Қарағанды қалаларында, Швейцария, Германия, Чехия, Канада, АҚШ, Ресей, Түркияның және т.б. жеке коллекцияларында сақталуда.
• Халықаралық, шетелдік, республикалық, облыстық көрмелердің, халықаралық симпозиумдардың қатысушысы (1985 жылдан).
• 1983 жылдан - Жезқазған педагогикалық институтының оқытушысы. 1988 жылдан - Қарағанды көркемсурет және өндірістік шеберханалардың суретшісі. 1992 жылдан - Жезқазған педагогикалық институтының оқытушысы. 1994 жылдан Қарағанды педагогикалық институтының, Е. Бөкетов атындағы Қарағанды мемлекеттік университетінің оқытушысы, кафедра меңгерушісі.
• Бүгінгі күні - ҚР Суретшілер одағының Қарағанды облыстық ұйымының бас суретшісі.
• ҚР Суретшілер одағының мүшесі.
• Мәдениет қайраткері (2004).
• Діни көзқарасы - діндар.
• Саяси қайраткер ретіндегі идеалы - Н.Ә. Назарбаев.
• Қазақстанның болашағы туралы болжамы - «Өркендеу».
• Хоббиі - боулинг, аңшылық, балық аулау.
• Сүйіп оқитын әдебиеті - А. Құнанбаев, I. Есенберлин, А.С. Пушкин.
• Бойдақ. Ұлы - Мұстафин Дархан Бейбітұлы (1984 жылы туған), мұнай-газ өнеркәсібінің маманы; Қызы - Мұстафина Айжан Бейбітқызы (1985 жылы тұған), дизайнер, модельер.