Бейбіт Өксікбайұлы Исабаев

	Бейбіт Өксікбайұлы Исабаев;
Лауазымы
11 маусым 2022 жылдан бастап
Президент	Қасым-Жомарт Тоқаев
Ізашары	лауазым пайда болды
13 қаңтар 2022 — 11 маусым 2022
Президент	Қасым-Жомарт Тоқаев
наурыз 2015 — шілде 2019
Президент	Нұрсұлтан Назарбаев; Қасым-Жомарт Тоқаев
Ізашары	Амангелді Жұмабаев
Ізбасары	Сержан Әбдікәрімов
шілде 2009 — наурыз 2015
Президент	Нұрсұлтан Назарбаев
Ізашары	Бақыт Оспанов
Ізбасары	Айымдос Бозжігітов
тамыз 2008 — маусым 2009
Президент	Нұрсұлтан Назарбаев
Ізашары	Ерлан Байжанов
Ізбасары	Бағлан Майлыбаев
сәуір 2006 — ақпан 2008
Президент	Нұрсұлтан Назарбаев
Ізашары	Аманжол Жанқұлиев
Ізбасары	Бағдат Әміреев
2003 жыл — 2006 жыл
Президент	Нұрсұлтан Назарбаев
Ізашары	Бекжасар Нарбаев
Ізбасары	Бақытбек Шабарбаев
Өмірбаяны
Білімі	С. М. Киров атындағы Қазақ мемлекеттік университеті (1985) ; Қазақстан Республикасы Сыртқы істер министрлігінің Дипломатиялық академиясы (1999)
Ғылыми дәрежесі	саяси ғылымдар кандидаты
Мамандығы	журналист, халықаралық қатынастар маманы
Дүниеге келуі	4 желтоқсан 1962 (62 жас); Бақанас, Балқаш ауданы, Алматы облысы, Қазақ КСР, КСРО
Жұбайы	Игенсартова Әсия Ғабдиманқызы
Балалары	2 қыз, 1 ұл
Марапаттары	Құрмет ордені
	өңдеу

Бейбіт Өксікбайұлы Исабаев (4 желтоқсан 1962 жыл, Бақанас, Балқаш ауданы, Алматы облысы) — Қазақстанның мемлекет және қоғам қайраткері, дипломат, 2022 жылдан бастап Жетісу облысының әкімі.

Білімі

1985 жылы С.М.Киров атындағы Қазақ мемлекеттік университетін, 1999 жылы Қазақстан Республикасы Сыртқы істер министрлігінің Дипломатиялық академиясын бітірген. Мамандығы – журналист, халықаралық қатынастар маманы. Төтенше және Өкілетті елші дипломатиялық дәрежесі бар, саяси ғылымдар кандидаты.

Еңбек жолы

1985-1994 жылдары әртүрлі бұқаралық ақпарат құралдарында жұмыс істеді. «Өркен» – «Горизонт» газеттерінің бас редакторы, Қазақ мемлекеттік телевизиясының бас директоры болды.

1994-1997 жылдары Алматы қаласы әкімшілігінде басшылық қызметтер атқарды, қала әкімінің орынбасары болды.

1997-1999 жылдарда – Қазақстан Республикасы Сыртқы істер министрлігі Дипломатиялық академиясының тыңдаушысы, 1999-2000 жылдарда – Сыртқы істер министрлігі Әкімшілік департаментінің директоры.

2000-2002 жылдары Қазақстан Республикасы Премьер-Министрі Кеңсесінің Үкіметтік ақпарат бөлімінің меңгерушісі лауазымын атқарды.

2002-2003 жылдары – Қазақстан Республикасы Сыртқы істер министрінің кеңесшісі, Сыртқы істер министрлігінің Ерекше тапсырмалар жөніндегі елшісі, Қазақстан Республикасының «Орталық Азия ынтымақтастығы» ұйымы мәселелері жөніндегі ұлттық үйлестірушісі.

2003-2008 жылдарда Қазақстан Республикасының Пәкістан Ислам Республикасындағы Төтенше және Өкілетті Елшісі, 2006-2008 жылдарда Қазақстан Республикасының Түркия Республикасындағы Төтенше және Өкілетті Елшісі, Қазақстан Республикасының Албания Республикасындағы Төтенше және Өкілетті Елшісі қызметін қоса атқарушы болды.

2008-2009 жылдарда Қазақстан Республикасының Мәдениет және ақпарат вице-министрі, Қазақстан Республикасы Президентінің баспасөз хатшысы қызметтерін атқарды.

2009-2015 жылдары – Қазақстан Республикасының Қырғыз Республикасындағы Төтенше және Өкілетті Елшісі, 2015-2019 жылдары - Әзербайжан Республикасындағы Төтенше және Өкілетті Елшісі.

2019-2022 жылдар аралығында Қазақстан Республикасы Президентінің Парламенттегі өкілдігінің басшысы болды.

2022 жылы 13 қаңтарда Президент Жарлығымен Парламент Сенатының депутаты болып тағайындалды, Әлеуметтік-мәдени даму және ғылым комитетінің төрағасы болып сайланды.

2022 жылдың 11 маусымынан бастап – Жетісу облысының әкімі.^[1]

Отбасылық жағдайы

Үйленген, үш баласы бар.

Марапаттары және атақтары

«Құрмет» ордені (2007)
«Қазақстан Конституциясына 10 жыл» (2005), «Қазақстан Парламентіне 10 жыл» медальдері
Қазақстан Республикасының Құрмет грамотасы (2001)^[2]

Дереккөздер

[1] Исабаев Бейбіт Өксікбайұлы

[2] Сенат ресми сайты. Исабаев Бейбіт Өксікбайұлы

[1]

[2]