Берік Секербайұлы Ақылбеков

АҚЫЛБЕКОВ Берік Секербайұлы (1963 ж.т., Біржан сал ауданы, Степняк қ.) — ғалым-агроном, экономист. Көкшетау а.ш. ин-тын (1991), Көкшетау экономика және менеджмент ин-тын (2006) бітірген. Еңбек жолын 1981 ж. Степняк қ-ндағы автокөлік кәсіпорнында жүк түсіруші болып бастаған. Еңбекшілдер ауданы «Госкопсельхозтехника» көлік кәсіпорнында көлік жүргізушісі (1984 — 92), Көкшетау облысы бойынша «Сеймар» консорциумының директоры (1992 — 94), «Әліби К» компаниясының директоры (1994 — 97), «Әліби ЛТД» ЖШС-тің бас директоры (1997 — 2003) қызметтерін атқарған. 2003 жылдан «Көкшетау Энерго» ЖШС-тің вице-президенті, 2004 жылдан бас директоры қызметін атқарып келеді.

Дереккөздер өңдеу

"Қазақ Энциклопедиясы"