Бижамал Рамазанова

Бижамал Рамазанова (21.6.1927, Алматы облысы, Ақсу ауданы, Қызылағаш ауылы - 8.11.2020, Алматы) - қоғам қайраткері, ғалым, философия ғылымдарының кандидаты (1970).

Бижамал Рамазанова

Өмірбаяны

• 1942 жылы Түрген педагогикалық училищесінің қысқа мерзімді курсын бітірген.
• 1959 жылы ҚазПИ-ді бітірген.
• Еңбек жолын 1942 жылы бұрынғы Гвардия ауданының Шанханай орта мектебінде бастауыш сынып мұғалімі ретінде бастаған.
• Қаратал ауданы комсомол комитетінде (1945-1959) лауазымды қызметтер атқарды.
• Талдықорған қалалық комсомол комитетінде (1945-1959) лауазымды қызметтер атқарды.
• Талдықорған қалалық, Талдықорған облыстық атқару комитеттерінде лауазымды қызметтер атқарды.
• Алматы облысы партия комитетінде (1959-1963) лауазымды қызметтер атқарды.
• Қазақ ҚСР Жоғарғы Кеңес Төралқасында (1963-1975) лауазымды қызметтер атқарды.
• республикалық Министірлер Кеңесінде (1975-1982) лауазымды қызметтер атқарды.
• Зейнет демалысына шыққан соң Мәдениет қызметкерлерінің білім деңгейін көтеру институтында, Алматы жол құрылысы институтында дәріс оқыды.
• Өмірінің соңына дейін Алматы облысы Ардагерлер кеңесі төралқасының мүшесі болды және Алматы қалалық жастарды патриоттық тәрбиелеу секторын басқарды.

Қоғамдық қызметтері

• 1963–76 жылдары аралығында Азия және Африка елдері ынтымақтастығы Қазақ комитеті төрағасы, Кеңестік ынтымақтастық комитеті төралқасының мүшесі болды.
• 1964-76 жылдары Кеңес әйелдері комитетінің мүшелігіне сайланды.
• Бірнеше рет Кеңес Одағы қоғамдық ұйымдарының Азия және Африка елдеріне делегациясын бастап барып, халықаралық форумдарға қатысты.

Ғылыми жұмыстары

• 4 монографияның авторы.

Марапаттары

2 мәрте "Қызыл Ту" және 2 мәрте "Құрмет белгісі" ордендерімен, бірнеше медальмен марапатталған.