Букиднон

Букиднон (бисая тілінде – «тау тұрғындары»), хигаонан (өз атауы – «таулықтар») — Филиппинде тұратын халық. Жалпы саны 110 мың адам. Олар негізінен Минданао аралындағы өзі аттас провинцияда тұрады.

Букиднон
Бүкіл халықтың саны
110 000
Ең көп таралған аймақтар
Филиппин
Тілдері
бинукид тілі
Діні
дәстүрлі нанымдарды ұстанады, христиандық

Тілі

Олар Батыс Аустронезия тобының бинукид тілінде сөйлейді. Сонымен қатар ағылшын, тағал тілі де таралған.

Діні

Дәстүрлі нанымдарды ұстанады, [[христиандық] жартылай таралған. Негізгі культтер - аграрлық, бақсылық бар.

Кәсібі

Негізгі кәсібі – қолмен атқарылатын егіншілік, күріш, жүгері, темекі өндіру, абака, бұқа өсіру (карабао), аңшылық, балық аулау, терімшілік. қолөнер, тоқымашылық т.б.

Өмір салты

Шылым шегетін түтіктер, бамбук кларнеті (пулала), үйкеліс арқылы от шығаруға арналған аспаптарын пайдаланады. Бетел жапырағын шайнау, тістерді аралау және қарайту, татуировка жасау жиі кездеседі. Ауылдарда туысқан отбасылар тұрады. Басшыларын (президент деп аталатын) қауымдастық формальды түрде сайлайды және дәстүрлі көшбасшы - даго белгілерін сақтайды. Үйлену – неолокалдық, құда түсу, қалыңдық бағасы сақталған.

Елді мекендері мен дәстүрлі баспаналары

Үйлер қадаларда, кейде ағаштардың үстінде орналасқан.

Дәстүрлі киімдері

Киімдері (қысқа күртелер, кең матадан жасалған жабын белдіктер, әйелдерге арналған ұзын белдіктер, ерлерге арналған шалбарлар) кестемен және аппликациямен безендірілген. Ерлер сәлде түріндегі кестелі бас киімдер киеді, әйелдер қола және інжу-маржанмен безендірілген үлкен тарақтар, орамал тағады. Металлдан және ұлулардан жасалған кестелі сөмкелер, сырғалар, білезіктер, алқалар, тұмарлар, сақиналар, ерлер үшін шошқа қылшықтарынан тоқылған білезіктерді жиі пайдаланады.

Дәстүрлі тағамдары

Тамақтың негізі – күріш. Ауылдарда туысқан отбасылар тұрады. Басқарушы (президент деп аталады) формальды түрде қауымдастықпен сайланады, дәстүрлі көшбасшы - даго.