Бұл Шұғылада болған еді

«Бұл Шұғылада болған еді» — толық метражды көркем фильм. 1955 ж. Алматы көркем және хроника фильмдер студиясы шығарған.

Бұл Шұғылада болған еді
Это было в Шугле
Жанры	драма
Режиссёрі	Мәжит Бегалин
Сценарийдің авторы	Әбділда Тәжібаев
Басты рөлдерде	Ыдырыс Ноғайбаев
Операторы	Александр Фролов
Композиторы	Евгений Брусиловский
Кинокомпания	Қазақфильм
Мемлекет	КСРО
Тілі	орыс
Шыққан жылы	1955

Сюжеті

Сюжет бойынша Телғара Темірбеков «Шұғыла» колхозында жиырма жыл бойы төрағалық қызмет атқарады. Ол өзінің алғырлығы мен білгірлігі арқасында колхоз ұйымдастырып, оның экономикалық тұрғыдан орнығуына бар күшін салып, аудандағы үздік колхоздардың бірі етуіне еңбек етеді. Алайда жылдар өте келе Телғара қатты өзгереді. Дандайсып, колхоздағыларға құлақ асудан және сыйлаудан қалады. Айналасын жағымпаздармен қоршайды. Бұның бәрі колхоздың күйреуіне әкеп соғады: мал өлімі көбейіп, астық өнімдерінің түсімі азаяды. Жас агроном Бақытжан, фельдшер Ксюша Телғара Темірбековпен күреуге бел буады. Оларды райком партиясының хатшысы Рүстемов қолдайды. Орынды айтылған сынды қабылдаған Телғара Темірбеков қателескенін мойындайды.

Рөлдерде

• Телғара Темірбеков — Ыдырыс Ноғайбаев
• Бақытжан — Кененбай Қожабеков
• Бухгалтер — Серке Қожамқұлов
• Ажар — Сәбира Майқанова
• Майра — Бибігүл Төлегенова
• Жанас — Елубай Өмірзақов