Валерий Георгиевич Вишниченко

Валерий Георгиевич Вишниченко (1 ақпан 1949; Комсомол ауданы, Қостанай облысы — 3 желтоқсан 2023) — қазақстандық саяси және мемлекет қайраткері.

Валерий Вишниченко
Лауазымы
Ту Қазақстан Парламенті Мәжiлiсінің IV шақырылымының депутаты
27 тамыз 2007 — 16 желтоқсан 2011
Өмірбаяны
Партиясы	Нұр Отан
Білімі	Қостанай мемлекеттік педагогикалық институты
Ғылыми дәрежесі	Тарих ғылымдарының кандидаты
Дүниеге келуі	1 ақпан 1949 (1949-02-01) Қособа ауылы, Комсомол ауданы, Қостанай облысы, Қазақ КСР, КСРО
Қайтыс болуы	3 желтоқсан 2023 (2023-12-03) (74 жас)
Әкесі	Вишниченко Георгий Афанасьевич
Анасы	Вишниченко Мария Романовна
Жұбайы	Вишниченко Валентина Ефимовна (1949 ж.т.)
Балалары	Константин (1973 ж.т.), Вадим (1977 ж.т.)
Марапаттары	Достық ордені 3 дәрежелі қосқан үлесі үшін (Украина) орденінің иегерлері Украинаның фашистік басқыншылардан азат етілгеніне 60 жыл медалінің иегерлері

Өмірбаяны

Әкесі — Вишниченко Георгий Афанасьевич, зейнеткер, Ұлы Отан Соғысының ардагері, Қазақстан ағарту ісінің үздігі, 25 жылдан астам уақыт мектеп директоры болып жұмыс істеген. Анасы — Вишниченко Мария Романовна, марқұм, бастауыш сынып мұғалімі болып жұмыс істеген.

1949 жылы 1 ақпанда Қостанай облысы Комсомол ауданы (қазіргі Қарабалық ауданы) Қособа ауылында дүниеге келген. Ұлты — украин.

Қостанай мемлекеттік педагогикалық институтының физика-математика факультетін (1970) математика пәнінің мұғалімі мамандығы бойынша; Апматы саясаттану және басқару институтын (1991) саясаттанушы мамандығы бойынша үздік бітірген.

Тарих ғылымдарының кандидаты (2010). Кандидаттық диссертациясының тақырыбы: «Қазіргі Қазақстанда ақпараттық процестердің қалыптасу және даму тарихы». Егеменді Қазақстан саяси институттарының ақпараттық аппаратын жетілдіру мәселелері бойынша 20-дан астам ғылыми жарияланымдар мен мақалалардың және «Костанайские шахматы. Полвека с А.Г. Уфимцевым» (И. Сербинмен тең авторлықта, 2003), «Костанайская областная Ассамблея народа Казахстана: история создания и становления» (2006) және «Спираль жизни» (2008) деген 3 кітаптің авторы.

Қазақстанның болашағы туралы болжамы — «Қазақстан Республикасы тұрақтылық пен қоғамдық келісімнің жарқын үлгісін көрсете отырып, біртіндеп әлемнің аса бәсекеге қабілетті де қарқынды дамушы мемлекеттерінің қатарына кіреді».

Үйленген. Жұбайы — Вишниченко Валентина Ефимовна (1949 жылы туған), зейнеткер, тарих мұғалімі болып жұмыс істеген. Ұлдары — Константин (1973 жылы туған), Вадим (1977 жылы туған).

Еңбек жолы

• 1970 жылдың тамыз айынан — Қостанай қаласы №10 ОМ математика пәнінің мұғалімі.
• 1970 жылдың қазан айынан — Кеңес Әскерінің қатарында қызметте.
• 1971 жылдан — Қазақстан ЛКЖО Қостанай облыстық комитеті кәсіптік техникалық білім беру секторының меңгерушісі.
• 1973 жылдан — Қазақстан ЛКЖО Жетікөл аудандық комитетінің бірінші хатшысы.
• 1976 жылдан — Қазақстан ЛКЖО Қостанай облыстық комитетінің хатшысы.
• 1979 жылдан — Қостанай облыстық партия комитетінің нұсқаушысы, сектор меңгерушісі, Қостанай облыстық партия комитеті идеологиялық секторы меңгерушісінің орынбасары.
• 1991 жылдан — Қостанай облыстық атқару комитетінің бас маманы.
• 1992 жылдан — Қостанай облыстық әкімшілігінің ішкі саясат бөлімінің меңгерушісі, қоғамдық-саяси бөлімнің меңгерушісі, меңгерушінің орынбасары, басшы аппаратының ішкі саясат және әлеуметтік сала бөлімінің меңгерушісі.
• 1998 жылдан — облыс әкімнің атқарушы хатшысы, бас инспекторы, атқарушы хатшысы, хатшылық меңгерушісі, Қостанай облыстық Қазақстан халқы ассамблеясы төрағасының орынбасары.
• 2007 жылдың қыркүйек айынан бері — ҚР Парламенті Мәжілісі 4-ші шақырылымының Қазақстан халқы ассамблеясы атынан депутаты, Халықаралық істер, қорғаныс және қауіпсіздік комитетінің мүшесі.

Марапаттары

«Құрмет белгісі» (1981), II дәрежелі «Достық» (2005), III дәрежелі «Қосқан үлесі үшін» (Украина, 2001) ордендерімен; «Ерен еңбегі үшін» (1977), «Тың жерлерді игеруге қосқан үлесі үшін» (1984), «Қазақстан Республикасының тәуелсіздігіне 10 жыл» (2001), «Астананың 10 жылдығы» (2007), «Украинаның фашистік басқыншылардан азат етілгеніне 60 жыл» (Украина, 2004) медальдарымен марапатталған. ҚР Президенті алғысымен ескерліген.