Венера Камалқызы Қармысова

Венера Камалқызы Қармысова (22.05.1936, Алматы - 18.06.2019) — қазақстандық опералық және концерттік-камералық әнші.

Венера Камалқызы Қармысова
Негізгі ақпарат
Туған күні	22 мамыр 1936 (1936-05-22)
Туған жері	Алматы, Қазақ КСР
Қайтыс болған күні	18 маусым 2019 (2019-06-18) (83 жас)
Белсенділік жылдары	1960 - қазіргі уақытқа шейін
Мемлекет	Қазақстан  КСРО (1936-1991)
Мамандықтары	опералық және концерттік-камералық әнші
Дауыс түрі	вокал
Марапаттары	«Еңбекте үздік шыққаны үшін» медалі Қазақ КСР-дің еңбек сіңірген әртісі

Өмірбаяны

1936 жылы 22 мамырда Алматы қаласында туған. Қазақ.

Құрманғазы атындағы Алматы мемлекеттік консерваториясының вокал факультетін бітірген (1960), опералық және концерттік-камералық әнші. Қазақ және орыс тілдерін біледі.

1960 жылдан - Жамбыл атындағы Қазақ мемлекеттік филармониясының солисі.

1969 жылдан - Мемлекеттік телевизия және радиотарату комитетінің солисі.

2001 жылдан бері -Ж. Елебеков атындағы Республикалық эстрада-цирк колледжі эстрадалық вокал бөлімінің меңгерушісі (Алматы қ.).

Марапаттары

• «Еңбекте үздік шыққаны үшін» медалімен марапатталған (1967).
• Қазақ КСР Еңбек сіңірген әртісі (1981).

Отбасы

Әкесі - Қармысов Камал (1912-1991), ҚР Халық әртісі, Қазақстан Мемлекеттік сыйлығының лауреаты.

Анасы - Қармысова Хақша (1915-1995), үй шаруасымен айналысқан.

Жұбайы - Мырзағалиев Ғибадулла Мырзағалиұлы (1934- 2000).

Ұлдары - Мырзағалиев Еркен (1961 ж. т.), скрипкашы, консерваторияның ұстазы; Мырзағалиев Дәурен (1967 ж. т.), философ.

Жеке өмірі

Діни көзқарасы - мұсылман. Саяси қайраткер рөтіндегі идеалы - И. Ганди. Хоббиі - әлемдік опера жұлдыздары орындауындағы классикалық музыка, кітап оқу.

Сүйіп оқитын әдебиеті - М. Әуезов, Ә. Нұрпейісов, I. Есенберлин, А.С. Пушкин, М.Ю. Лермонтов және басқалар.