Гүлнәр Абдоллақызы Ералиева

Гүлнәр Абдоллақызы Ералиева (1958 жылы 11 наурызда Ақмола облысының Вишневка ауылында туған) — актриса, ҚР Еңбек сіңірген әртісі (1991), Қазақ.

Гүлнәр Абдоллақызы Ералиева
Жалпы мағлұмат
Туған күні	11 наурыз 1958 (1958-03-11) (66 жас)
Туған жері	Аршалы, Аршалы ауданы, Ақмола облысы, Қазақ КСР
Азаматтығы	Қазақстан  КСРО (1958-1991)
Мамандығы	актриса
Белсенді жылдары	1974-қазіргі уақытқа дейін

Өмірбаяны

• Т. Жүргенов атындағы Алматы мемлекеттік көркем-театр институтының көркем-театр факультетін бітірген (1979), театр және кино актері.
• 1980-1995 жылдары - Мұхтар Омарханұлы Әуезов атындағы Қазақ мемлекеттік академиялық драма театрының драма актері.
• 2005 жылдан - «Silkway City» ЖШС кинотеатрының менеджері.
• 2006 жылдан бері - «ҚазТрансГаз-Алматы» АҚ бұқарамен байланыс жөніндегі маманы.

Рөлдері

Мұхтар Омарханұлы Әуезовтың «Қарагөз» (Қарагөз), Ғабит Махмұтұлы Мүсіреповтың «Қозы Көрпеш – Баян Сұлу» (Баян), Сәбит Мұқанұлы Мұқановтың «Шоқан Уәлиханов» (Катерина), Ф. Шиллердің «Генуядағы Фиеско бүлігі» (Элеонора), У. Шекспирдің «Асауға тұсау» (Катарина), Уйгун мен Султановтың «Әлішер Навои» (Гули) және тағы басқа спектакльдерінде ойнаған.

Ш. Бейсембаевтың «Бұлақ» - Әйгерім («Қазақфильм»,1974); А. Қарсақбаевтың «Алпамыс мектепке барады»-Мұғалімнің қалыңдығы («Қазақфильм», 1975); Ә. Тажібаевтың «Нан мен Тұз» - Әсия; С. Шутовтың «Шешуші айқас» - Сәуле («Қазақфильм», 1978); С. Ходжиковтың «Біздікін біл» - Қадиша («Қазақфильм», 1984); Д. Садырбаевтың «Ауылдық мозаика» - Шакин («Қырғызфильм», 1980); Ю. Бзаровтың «Тұңғиықтан репортаж» - Суфия («Өзбекфильм», 1984); «Біз орысша сөйлейміз» («ДЭФА-фильм», ГДР, 1978); С. Бодровтың «Шиза» - Күляш (2005) фильмдеріне түскен.

Отбасы

• Әкесі - Ералиев Абдолла Сұлтанмұратұлы, зейнеткер, ҚазКСР Министрлер кеңесі төрағасының кеңесшісі болған. Анасы - Құрбанова Іззат Төлендіқызы, зейнеткер, бас бухгалтер болып жұмыс істеген.
• Балалары - Гауһар (1978 жылы туған), Диляра (1987 жылы туған); ұлы - Жалғас (1995 жылы туған).