Гүлшара Зайнолдақызы Досмағамбетова

Гүлшара Зайнолдақызы Досмағамбетова (21.04.1952 жыл, Шығыс Қазақстан облысы, Зыряновск қаласы) - мүсінші. ҚР Көркемөнер академиясының толық мүшесі. Қазақ.

Әкесі - Үшкірбаев Зайнолда Оқасұлы (1920 жылы туған), мұғалім болып жұмыс істеген. Анасы - Үшкірбаева Мария (1929 жылы туған), үй шаруасымен айналысқан.

Н.В. Гоголь атындағы Алматы көркемсурет училищесін (1973); Строганов жоғары көркөмсурет-өнеркәсіп училищесінің сән өнері факультетін бітірген (Мәскеу қаласы, 1979), суретші-қыш бұйымдарын жасаушы.

ҚР Президентінің резиденциясы үшін жасалынған сәнді құмыралар сериясындағы туындылардың (Астана қаласы), Ә. Қастеев атындағы Мемлекеттік өнер мұражайындағы «Сәнді құмыралардың» (скифтердің «аңдық» стилі), шамот материалындағы - «Бір композиция» жұмыстар сериясының (Дзинтари қаласы., Латвия) авторы.

Бейнелөу өнеріндегі мәнері - қыштағы монументті-сәнді мүсін. Жұмыстары Ә. Қастеев атындағы Мемлекеттік өнер мұражайында, Мемлекеттік тарихи мұражайда (Алматы қаласы), Эрмитажда (Санкт-Петербург қ.), Петровкадағы Көрме залында (Мәскеу қаласы), Орыс мұражайында (Мәскеу қаласы) қойылған. Жұмыстары Ә. Қастеев атындағы Мемлекеттік өнер мұражайының, ҚР Президенті резиденциясының (Астана қаласы) қорларында, Дижона қаласы әкімшілігінің мұражайында (Франция), Рига (Латвия) мен Киевтің (Украина) ұлттық мұражайларында, Алматы көркем қыш зауытының мұражайында, сондай-ақ Италия, Ресей, Қазақстан, Франция, Латвия, Эстония, Үндістанның жеке коллекцияларында сақталуда.

1969-1973 жылдары - Н.В. Гоголь атындағы Алматы көркемсурет училищесінің студенті. 1975-1976 жыл-дары - «Пионер» журналының көркемдік редакторы. 1980 жылдан - Алматы көркем қыш зауытының суретші-қыш бұйымдарын жасаушысы. 1981 жылдан - Н.В. Гоголь атындағы Алматы көркем сурет училищесінде көркем қыш бойынша ұстаз, аға ұстаз. 2000-2003 жылдары - Т. Жүргенов атындағы Қазақ ұлттық өнер академиясында көркем қыш кафедрасының меңгерушісі, аға оқытушысы.

КСРО Суретшілер одағының мүшесі (1985 жылдан). Дижонада өткен Халықаралық көрмеге (Франция, 1990-1991), Генуяда өткен Халықаралық «Примавера» көрмесіне (Италия, 1992), Фаэнцадағы Халықаралық көрмеге (Италия, 1993), Бүкіләлемдік «Мұхит - болашақтың мұрағаты» көрмесіне (Лиссабон, 1998) қатысқаны үшін дипломдармен марапатталған.

Тұрмыс құрған. Жұбайы - Төлеген Сәбитұлы Досмағамбетов, марқұм, Қазақстанның Еңбек сіңірген өнер қайраткері, Ш. Уәлиханов атындағы Мемлекеттік сыйлықтың лауреаты. Қызы - Айдан Абатқызы Тастаева, марқұм, суретші-акварелші болған. Немересі - Махади Дастан.