Динара Нұрсұлтанқызы Құлыбаева

Динара Нұрсұлтанқызы Құлыбаева (туған тегі — Назарбаева; 1967 жылы 19 тамызда туған, Қарағанды облысы, Теміртау қаласы) – экономист, педагогика ғылымдарының докторы (2007), Қазақстанның бірінші президенті Нұрсұлтан Назарбаевтың ортаншы қызы. Қазақстандық миллиардер Тимур Асқарұлы Құлыбаевтың зайыбы. Тимур Құлыбаев екеуі "АЛМЭКС" Холдинг тобының құрылтайшылары[1]. Аталған компания арқылы Қазақстан Халық Банкі Акционерлік қоғамының иесі болып табылады[2].

Динара Нұрсұлтанқызы Құлыбаева
Лауазымы
Миллиардер (forbes тізімінде 603 орын)
2007 жылдан бастап
ҚБТУ АҚ директорлар кеңесінің төрағасы
2004 жылдан бастап
«ҚазХҚжӘТУ» АҚ Директорлар кеңесінің мүшесі
2001 жылдан бастап
Нұрсұлтан Назарбаев білім қорының директоры
1998 жылдан бастап
Бөбек халықаралық балалар қоры дирекциясының меңгерушісі
1996 — 1998
«Казкинопроект» РҚБ репертуар бөлімінің меңгерушісі
1991 — 1995
ҚазКСР Мемлекеттік мәдениет комитетіне қарасты Казглавкиноның инспекторы
1990 — 1991
Өмірбаяны
Білімі 1. А.В.Луначарский атындағы Мемлекеттік театр өнері институты (1989)
2. Қазақстан менеджмент, экономика және болжау институты (ҚМЭБИ) (1996-1998)
3. Кентербери университетінде ағылшын тілі курсы
Ғылыми дәрежесі 1. Педагогика ғылымдарының докторы (2007)
2. Қазақстан Республикасының Ұлттық ғылым академиясының корреспондент-мүшесі
Мамандығы Экономист
Азаматтығы  КСРО
 Қазақстан
Дүниеге келуі 19 тамыз 1967 (1967-08-19) (56 жас)
Теміртау, Қарағанды облысы, Қазақ КСР, КСРО
Туған кездегі есімі Динара Нұрсұлтанқызы Назарбаева
Әкесі Нұрсұлтан Назарбаев
Анасы Сара Назарбаева
Жұбайы Тимур Құлыбаев
Балалары Алтай (1990)
Дениза (2004)
Нәби (2008)
Ализия (2010)
Марапаттары
Барыс ордені
Барыс ордені

Білімі өңдеу

А. В. Луначарский атындағы Мәскеу мемлекеттік театр өнер университетін 1989 жылы бітірген.

Қазақ менеджмент, экономика және болжау институтынан магистр дәрежесін алды (1998).

«Методологические основы управления профессионально-ориентированной образовательной системой школ международного типа» ("Халықаралық типтегі мектептердің кәсіби бағытталған білім беру жүйесін басқарудың әдістемелік негіздері") деген тақырыпта докторлық диссертацияны қорғады.

Биографиясы өңдеу

1967 жылы 19 тамыз күні дүниеге келген.

Қазақ Бас киносында инспектор (1990–1991), «Қазкинопрокатта» бөлім бастығы (1991–95), «Бөбек» қорында дирекция жетекшісі (1996, 1998) қызметтерін атқарды.

1998 жылдан «Нұрсұлтан Назарбаев» білім қорында директор. [3]

2004 жылы — «ҚБТУ» АҚ директорлер кеңесінің төрайымы.

2007 жылы "Халықаралық типті мектептердің білім жүйесін басқаруының методологиялық негіздері" тақырыпты докторлық диссертация қорғады.

2009 жылдан бастап Н.Назарбаев атындағы Білім Ұлттық қорын басқарады.

Марапаттары өңдеу

«Парасат» орденінің иегері (2008)

Отбасы өңдеу

  • Әкесі — Нұрсұлтан Назарбаев - ҚР бірінші президенті
  • Анасы — Сара Назарбаева - Қазақстанның қоғам қайраткері , Қазақстанның тұңғыш және әзірше соңғы бірінші ханымы
  • Күйеуі - Тимур Құлыбаев - қазақстандық кәсіпкер, қоғам қайраткері, KazEnergy ассоциациясының төрағасы, Қазақстан ұлттық экономикалық «Атамекен Одағы» палатасы президиумының төрағасы, Қазақстан Республикасы Бокс федерациясының төрағасы, «Газпром» РАҚ-ы директорлар кеңесінің мүшесі.
  • Балалары - Алтай Асқар (1990) , Дениза Асқар (2004) , Нәби Назарбаев (Асқар) (2008) , Алишия Асқар (2010)
  • Келіні - Диана Катранова (Алтай Асқардың әйелі)
  • Құдағиы - Зелина Катранова - «Восточное рудоуправление» ЖШС бас директоры , Алматы облысы Жамбыл ауданының Құрметті азаматы болып танылған, «Кенші даңқы» орденінің толық иегері, «Конституцияға 20 жыл» медальдарымен марапатталған және «Еңбек даңқы» ІІІ дәрежелі.
  • Тәтесі - Дариға Назарбаева - қоғам және мемлекет қайраткері, саясаткер. 2019 жылғы 20 наурыздан 2020 жылғы 2 мамырға дейін Қазақстан Республикасы Парламенті Сенатының Төрағасы. Тарих ғылымдарының кандидаты, саяси ғылымдар докторы. 2021 жылдың қаңтарынан 2022 жылғы ақпанға дейін Қазақстан Республикасы Парламенті Мәжілісінің VII шақырылым депутаты.
  • Сіңлісі - Әлия Назарбаева - Қазақстан Республикасының өнер және мәдениет саласындағы мемлекеттік сыйлығының лауреаты (2018).
  • Қайын атасы - Асқар Құлыбаев - техникалық ғылым докторы (2003). ҚР және Халықаралық инженерлер академиясының академігі (1992), Қазақстанның құрметті инженері (2001).
  • Қайын ағасы - Талғат Құлыбаев - генерал-майор (2000), заң. ғылым докторы (2004).
  • Қайын енесі - Раиса Алдабергенқызы Құлыбаева
  • Қайын інілері - Бексұлтан Талғатұлы Құлыбаев (1984ж.т) - «Теміржол Құрылыс-Атырау» ЖШС Ақтөбе филиалына , шикі мұнай және ілеспе газ өндірумен айналысатын компанияға және 2010 жылы құрылған несие серіктестігіне иелік етеді ; Әлібек Талғатұлы Құлыбаев (1989ж.т).
  • Абысыны - Нәйлә Бигалықызы Құлыбаева (Тоқалова) - жылжымайтын мүлікті жалға беру , пайдаланумен айналысатын екі компанияның және мейрамхана бизнесі мен тамақ жеткізумен айналысатын компанияның басшысы.

Дереккөздер өңдеу