Ермек Шадиярұлы Бекбатыров

Ермек Шадиярұлы Бекбатыров (1936-1996) – Шығыс Қазақстан облысы, Зайсан қаласында туған.

Ермек Шадиярұлы Бекбатыров
Туған күні	1936 (1936)
Туған жері	Зайсан (қала)
Қайтыс болған күні	1996 (1996)
Марапаттары мен сыйлықтары	, Қазақ КСР Жоғарғы Кеңесінің құрмет грамотасы

Қызмет жолы

• 1953 жылы Талдықорған облысындағы Үштөбе қаласының №15 орта мектебін аяқтады. Сол жылы Мәскеу полиграфия институтына оқуға түседі.
• Институтта оқи жүріп "Правда", "Красный пролетарий" сияқты Мәскеулік баспаханаларда тәжірибе өткен Е.Ш.Бекбатыров полиграфиялық құрал-жабдықтарды жетілдіру жолында біршама рационализаторлық ұсыныстар енгізді.
• 1958 жылы институт бітіргеннен кейін Алматы қаласындағы Полиграф комбинатқа инженер-механик ретінде жолдама алды. Осылайша оның баспагерлік еңбек жолы басталды.
• Небәрі 2 жыл жұмыс істеп, 1960 жылы Полиграфкомбинаттың бас механигі болып тағайындалды. Ал 1965 жылы Қазақстан Компартиясы ОК-нің республикадағы ең ірі газет-журнал баспасына механик болды.
• 1970 жылы Алматы қаласындағы №2 баспаханаға аға конструктор, ал 1971 жыл осы баспахананың бас инженері болып тағайындалды.
• 1970 жылдардың басында республикадағы ең ірі полиграфиялық мекеме – "Кітап" фабрикасының қурылысы басталды. Құрылыс аяқталғаннан кейін, ең үздік Республикалық өндірістік бірлестік "Кітап" құрылды. Оның қүрамына "Кітап" фабрикасы, Полиграфкомбинат, Жедел басу типографиясы және мектеп дәптерлерінің типографиясы кірді. Бірлестік директоры болып, аты аңызға айналған баспагер, басшылық кадр тандау ісін өзіне сеніп тапсырған С.О.Төлешев сайланды. Сатымбек Омарулы бірлестіктің бас инженері етіп болашағынан үлкен үміт күттірген Е.Ш.Бекбатыровты алды. Бекбатыров Е.Ш. оның үмітін ақтап, үш жылдан кейін "Кітап" РӨБ бас директорының орынбасары, ал 1977 жылдан бас директоры болды.
• 1984 жылы 25 желтоқсанда ҚазКСР Мемлекеттік Баспа комитетінің ұйғарымымен Қазақстан Компартиясы Орталық комитетінің баспасына директор болып ауыстырылды. Осында 1991 жылға дейін еңбек етті.
• Е.Ш.Бекбатыров 1977 жылы Марксизм-ленинизм университетін бітірді.
• 1991 жылы Мембаспакомның қайта құрылуына байланысты "Кітап" фабрикасының бас инженері қызметіне ауыстырылды.
• кейін "Экономика" баспасының директоры болып істеді.

Марапаттары

• Рационалдық ұсыныстары үшін бірнеше мәрте дипломдармен марапатталған.

• Үздік өндірістік көрсеткіштері үшін Қызыл Ту ордені
• ҚазКСР Жоғарғы Кеңесінің құрмет грамотасымен марапатталды..