Ерқара Балқараұлы Аймағамбетов

Ерқара Балқараұлы Аймағанбетов (7 ақпан, 1947 жылы Қарағанды облысы, Ақтоғай ауданы, Тасарал ауылы) — экономист ғалым. Экономика ғылымдарының докторы (1990), профессор (1991). Еуразия халықаралық экономика академиясының Академигі (1998). Қарағанды экономика университетінің ректоры (1997 жылдан).

Ерқара Балқараұлы Аймағанбетов
Туған күні	7 ақпан 1947 (1947-02-07) (77 жас)
Туған жері	Ақтоғай ауданы (Қарағанды облысы)
Азаматтығы	Қазақ КСР  Қазақстан
Ғылыми аясы	экономика ғылымдары
Жұмыс орны	Қарағанды экономика университетінің ректоры (1997 жылдан)
Ғылыми дәрежесі	Еуразия халықаралық экономика академиясының Академигі, Экономика ғылымдарының докторы, профессор
Альма-матер	Қарағанды кооператив иниституты
Марапаттары	Құрмет ордені

Толығырақ

• Ерқара Балқараұлы 1947 жылы 7 ақпанда Қарағанды облысы, Тасарал ауданыда туған. Арғын тайпасы Қаракесек руының Кәрсөн бұтағынан шыққан.
• 1970 жылы Қарағанды кооператив иниститутын бітірген.
• 1975 жылы Шевченко атындағы Киев мемлекеттік иниститутының асперантурасын ерте бітірген. Сол жылы «саяси экономика» тақырыбындағы кандидаттық дисертациясын қорғады.
• Қарағанды кооперативтік институтының ғылыми жұмыс жөніндегі проректор, аға оқытушы, саяси экономика кафедрасының доценті және т.б лауазымды қызыметтерді атқарды.
• 1989 жылы Шевченко атындағы Киев мемлекеттік иниститутында докторлық диссертациясын қорғады.
• 1991 - 1997 жылдары Қарағанды кооперативтік институты Орталықкомитеттің академиялық мәселелер жөніндегі вице-президенті.
• 1997 жылдан Қарағанды экономика университетінің ректоры лауазымында.

Ғылыми шығармашылығы

• 300-ден астам ғылыми еңбектері, ғылыми және практикалық оқулықтары, 5 (бес) монографияның авторы. Оның жетекшілігімен шетелден жетекші ғалымдар мен ТМД елдерінің қатысуымен бірнеше ірі халықаралық ғылыми-практикалық конференциялар өткізілді. Аймағамбетова Eрқараның жетекшілігімен орындалған және 15-тен астам магистратура және 10 докторлық диссертациялар қорғалды.

Қоғамдық белсенділігі

• Қарағанды облыстық аумақтық сайлау комиссиясының төрағасы;
• Қарағанды облысының прокуроры заңдылығын қамтамасыз ету жөніндегі Қоғамдық кеңестің төрағасы;
• Қарағанды облыстық сотының жанындағы Қоғамдық Кеңестің төрағасы; *Қарағанды облысы бойынша мемлекеттік қызмет істері агенттігінің тәртіптік кеңесінің мүшесі;
• «Нұр Отан» жанындағы Сыбайлас жемқорлыққа қ күрес жөніндегі қоғамдық кеңесінің мүшесі.

Ғылыми атақтары

• Экономика ғылымдарының кандидаты (ғылыми атағы);
• 1989 жылы Экономика ғылымдарының докторы (ғылыми атағы берілді);
• 1990 жылы профессор (ғылыми атағы);
• 1998 жылдан Еуразия халықаралық экономика академиясының Академигі.

Марапаттары

• 1970 жылы «Қажырлы еңбегі үшін Лениннің туғанына 100 жыл» құрмет белгісі (медалі);
• 1984 жылы КСРОның Ерен Еңбегі үшін медалі;
• 2004 жылы тәуелсіз Қазақстанның мемлекеттік марапаты «Құрмет ордені» мен марапатталды.
• 2005 жылы «Қазақстан конститутциясына 10 жыл» медалі
• 2006 жылы «Қазақстан парламентіне 10 жыл» медалі
• 2006 жылы Ахмет Байтұрсынұлы атындағы күміс медалі
• 2008 жылы «Астанаға 10 жыл» медалі
• 2009 жылы президент жарлығымен жоғарғы мемлекеттік награда «Парасат ордені» мен марапатталды.
• 2015 жылы «Қазақстан конститутциясына 20 жыл» медалі.

Шығармалары:

• Перенесенная стоимость и ее роль в условиях интенсификации социалистического воспроизводства (1990);
• Структурные сдвиги экономики в условиях интенсификации общественного производства(1991).