Есенгелді Жақыпов

Есенгелді Жақыпов - 1928 жылы 10 сәуірде Семей облысы, Абай ауданы, Қарауыл селосында туған. Қазақ мемлекеттік университетінің журналистика факультетін бітірген. Еңбек жолын республикалық газет-журналдарда қызмет істеуден бастаған. Көп жылдар бойына Қазақ телевизиясының әдебиет-драма редакциясында, Қазақстан жазушылар одағында драматургия секциясында қызмет атқарған. Филология ғылымдарының кандидаты. Қазақ КСР Ғылым академиясының М. Әуезов атындағы Әдебиет және өнер институтының қазақ кеңес әдебиеті бөлімінде аға ғылыми қызметкер болып істейді.

Шығармашылығы

Шығармашылық жолын студенттік жылдарда фелъетон-очерктер жазумен бастаған. «Дастаннан драмаға», «Эпос на сцене» секілді монографиялық еңбектер жазған.

С.Қүдаштың «Үмытылмайтын күндер» кітабын, О.Туманянның «Ертегі-әңгімелерін»; А.П.Чеховтың «Апалы-сіңлілерін», Л.Зориннің «Транзит», Э.Володарскийдің «Парыз», А.Ирзагитовтың «Жамбастағы жылан», Анар дың «Шынжырын», Т.Миннуллиннің «Осында туып, осында ержеткендер» пьесаларын аударған.

• Эпос на сцене. Монография. А., «Жалын», 1977;
• Дастаннан - драмаға. Монография. А., «Ғылым», 1979.