Жанар Халелқызы Сүлейманова

Жанар Халелқызы Сүлейманова 1974 жылы 19 наурызда Алматы қаласында туған. Қазақ.

Жанар Халелқызы Сүлейманова
Дүниеге келгені:	1974 наурыз Алматы қаласы
Мансабы:	Жамбыл атындағы Қазақ мемлекеттік филармониясының солисі

Әкесі - Сүлейманов Мұхамет-Халел Төлебайұлы, физик, рентгенді құрылымдық талдау және кристалл-химия бойынша танымал маман, публицист, ҚазКСР Ғылым академиясында, ҚР Қорғаныс министрлігінің әскери-тарих бөлімінде жұмыс істеген. Анасы - Шайкемелева Үмітжан Сұлтанқызы, физиолог, биология ғылымдарының кандидаты, аға ғылыми қызметкер (доцент), Еңбек ардагері. Гнесиндер атындағы Ресей Музыка академиясының фортепиано факультетін (1997) концерт орындаушысы, оқытушы, камералық ансамбльдің әртісі мамандығы бойынша; П.И. Чайковский атындағы Мәскеу мемлекеттік консерваториясында ассистентура-машықтануды бітірген (1999). Дж. Верди атындағы Милан консерваториясында машықтанудан өткен (2006 жылдың қарашасынан 2007 жылдың ақпанынан дейін). Италияда және Германияда шеберкластарға қатысқан.

«Ильяс Омаров. Жизнь и философия» (2003) кітабының тең авторы. «Семь нот» (2000-2001) және «Новая эра» (2001) журналдарында, «Новое поколение» (2000-2003) газетінде жарияланған мақалалардың авторы. 1992 жылы ол туралы «Өнерпаз болсаң» атты фильм түсірілген.

Концерттік қызметі жылдарында 200 концерт берді, оның 80-нен астамы жеке концерттік. «Академия солистов» оркестрімен Моцарт (№20 ре минор) концерттеріне, дирижері Б. Мұсаходжаева (1995); Т. Әбдірашевтің басқаруымен Мемлекеттік академиялық симфониялық оркестріне (И. Брамс, №1 концерт, ре минор, 1997); Ғ. Жұбанова атындағы Мемлекеттік квартетпен концертте Д. Шостаковичтің квинтетіне (2002) қатысты.

Жамбыл атындағы Қазақ мемлекеттік филармониясында жеке концерттерін (1994, 1996); Мемлекеттік ағаштан жасалған үрмелі аспаптар квинтетімен фильм-концертте, фильм-концөртте жеке бағдарламасын (2008) берген. Алматы, Астана, Қарағанды қалаларының; Италия, Германия, Ресей сахналарында оркестрімен және жеке концерттерін берді.

Орыс, қазақ, ағылшын, неміс, француз, түрік және итальян тілдерін біледі.

2000 жылдың қаңтарынан бері - Жамбыл атындағы Қазақ мемлекеттік филармониясының солисі. Республикалық пианистер конкурсының (Көкшетау қ., 1990), өңірлік пианистер конкурсының лауреаты (Ташкентқ., 1991). АҚШ-та өткен Оңтүстік Миссури Халықаралық пианистер конкурсының дипломанты (Миссури, Джоплин, 1992). ҚазКСР Музыкалық қоғамының Құрмет грамотасымен (1990), Италияда өткен «Пальма д'Оро» Халықаралық конкурсы финалисінің дипломымен және күміс медалімен (Лигурия, 2000), Жамбыл атындағы Қазақ мемлекеттік филармониясының, Венгрия, Италия, Польша елшіліктерінің грамоталарымен және алғыстарымен марапатталған.

Діни көзқарасы - «Сенеді, бірақ белгілі бір діни қоғамға байланып қалмаған. Құдай бәрімізге ортақекеніне сенемін. Бір құдайды ғана мойындаймын».

Саяси қайраткер ретіндегі идеалы - «Нақты адам жоқ. Қаншалықты баурап алса да, ешқашан да саясаткерлерден пір жасамаймын. Мемлекет атынан өзінің әлсіз тұсынан қайтатын әрі қауіпті уақытта өз мойнына жауапкершілік алатын адамдарға көңілім толады, олардың арасында Шарль де Голль, Мұстафа Кемаль Ататүрік бар. Өзге саясаткерлерді пассионарлығы мен айбындылығы болса да, оларды адам идеалы, яғни әулие деп санамаймын. Менің идеалым саяси озбыр көзқарасы жоқ болса да саяси қайраткер деуге болатын әулие, қасиетті адамдар болуы мүмкін».

Қазақстанның болашағы туралы болжамы - «Бір құдайға ғана аян шындықты ешбір адам соңына дейін дұрыс болжай алмайды. Білімді политологтар да, талантты астрологтар да іркіліп, қателесіп жатады.

Жас мемлекеттің қалыптасқанына аз уақыт өтсе де, көп шаруалар тындырылды, бірақ біздің экономикамыздың, өңдеушіге қарағанда, шикізат секторының үйлесуі үшін әлі де біраз уақыт талап етіледі. Өкінішке орай, барлық адамдар Қазақстанның күшті өндіруші-бәсекелес ретінде қалыптасуын қалап отырған жоқ.

Тежелудің маңызды факторы - өзіңдікі бағаланбай, са пасы әрдайым жақсы бола бермейтін барлық шетелдікі бағаланып отырғанда, өзіңді қор тұту сезімінің қалдықтары жойылмағандығы. Біздің азаматтардың Қазақстанда не жасалып жатқаны немесе не өндіріліп жатқаны жайлы, жалпы айтқанда, дамудың әлемдік картинасы жайлы көзқарасының болмауы, кейде ашықтан-ашық масқараға тап қылады. Өзімізге деген біздің талабымыз кейбір жағдайларда төтенше жоғары, бірақ кейде қисынсыз төмен болып жатады. Француздарда «меритократия» деген ұғым бар, «мерит» - сіңірген өңбегі деген сөзден шыққан. Бұл интенсивті әрі табысты жүмысы нәтижесінде құқыққа қол жеткізген элита. Осы ұғым барлық қазақстандықтардың менталитетіне берік орнықпайынша, Қазақстанға жедел даму қиын болмақ.

Егер мәдениет концерт залдарымен және театрлармен ғана шектелмей, сонымен қатар күнделікті тәртіптен (ал бұл отбасыдан басталады) көрінетін болса, сондай-ақ егер Қазақстанда, халқы тығыз орналаспаған әрі аумағы кең өлде өмірдің өз талаптарына сай әрбір қазақстандық көпжақты әрі белсенділігі жоғары болса, онда Қазақстанды жарқын болашақ күтуде.

Елдің болашағы - оның жастары. 20 жастағы еңбекқор, белсенді, білім іздеген жастарды көргенде қуанамын және де Қазақстанның болашағына сенемін. Қасиетті Рамазан айында менің зейнеткер анамның құжаттары, зейнетақысы және ауру тарихы салынған сөмкесін тартып әкеткенін ойласам, маған елдің болашағы қорқынышты».

Хоббиі - би (спорттық-бал, сальса), киім тігу, кітап оқу (кейде шетел тілдеріндегі нұсқадан), Қазақстанда және шетелде сурет өнері көрмелеріне және картина галереяларына бару, жақсы фильмдер көру.

Сүйіп оқитын әдебиеті - классика (И. Тургенев, А. Чехов, М. Булгаков, М. Жұмабаев, Ш. Айтматов), неміс романтикалық поэзиясы, Данте Алигьери, О. Уайльд шығармалары және т.б., кәсіби әдебиет.