Жапырақ ширатқыш көбелектер

Жапырақ ширатқыш көбелектер (лат. Tortrіcіdae) – қабыршақ қанаттылар отрядына жататын ұсақ көбелек.

Жапырақ ширатқыш көбелектер
Bactra lancealana
Ғылыми топтастыруы
Дүниесі: Animalia Жамағаты: Arthropoda Табы: Insecta Сабы: Қабыршақ қанаттылар Кіші сабы: Glossata Ықшам сабы: Heteroneura Тарауы: Cossina Кіші тарауы: Cossina Ұлы тұқымдасы: Tortricoidea Тұқымдасы: Tortricidae Latreille, 1803
Өзге түрі
Over 1000 genera Over 9,400 species
Subfamilies & Tribes
Chlidanotinae Tortricinae Olethreutinae See also Taxonomy of Tortricidae for full list of genera.
Синонимдері
Olethreutidae

Далалы және орманды-далалы белдемдер мен Азияның жалпақ жапырақты тропиктік ормандарында, сондай-ақ шөлді аймақтарда кездесетін 5000-нан астам, ал Қазақстанда 1000-ға жуық түрі белгілі. Жапырақ ширатқыш көбелектердің жайылған қанатының ұзындығы 8 – 40 мм. Алдыңғы қанаты ашық түсті, ал артқы қанаты сұр түсті келеді. Жасыл, қоңыр не сары түсті жұлдызқұрттары (ұзындығы 10 – 20 мм) өздері түзетін пілләсімен (жібек жіптерімен) өсімдіктің жапырағын орап жатады, көбелектердің аты осыған байланысты қойылған. Бұлардың ішінде өсімдіктің ұлпасын тітіркендіріп, галла (беріш) түзетін де түрлері бар. Жапырақ ширатқыш көбелектердің негізінен жұлдызқұрты қыстап шығады. Бұлардың көпшілігі – уылдырық шаруашылығы мен орман шаруашылықтарының зиянкестері. Мысалы, жеміс жегілері, емен ширатқыш көбелегі, т.б. Күрес шаралары: ерте көктемде ағашты фосфорлы, органикалық, бактериялық препараттармен, әр түрлі инсектицидтермен бүрку керек.