Жібек Есекеқызы Бағысова

Жібек Есекеқызы Бағысова (8 қазан 1940 жылы, Көкшетау облысы Біржан сал ауданының Степняк қаласында туған) — қазақстандық және бұрынғы советодағының актрисасы. Қазақстанның халық әртісі. «Парасат ордені»нің иегері.Шахмет Құсайынов атындағы Ақмола облыстық қазақ музыкалық-драма театрының жоғарғы санаттағы драма актрисасы. Көкшетау қаласының Құрметті азаматы. Қазіргі таңда Көкшетау қаласында тұрып жатыр.

Жібек Есекейқызы Бағысова
Жалпы мағлұмат
Туған күні	8 қазан 1940 (1940-10-08) (84 жас)
Туған жері	Көкшетау облысы Біржан сал ауданы Степняк қаласында
Азаматтығы	КСРО  Қазақстан
Мамандығы	актриса
Белсенді жылдары	1959 - осы уақыт
Марапаттары

Жалпы мәліметтер

Әкесі - Бағысұлы Есеке, Ұлы Отан соғысы кезінде хабарсыз кеткен. Анасы - Ғабдұлмәжитова Тұрсын-Қабай (1923-2000). Қазақ және орыс тілдерін біледі. Абай атындағы Алматы мемлекеттік академиялық опера және балет театрының жанындағы вокалдық-хор студиясын бітірген (1959), хор әртісі.

Еңбек жолы

• 1959 жылы Талдықорған қазақ драма Бикен Римова атындағы Талдықорған қалалық қазақ драма театрыында алғашқы еңбек жолын бастаған.
• 1960 – 1994 жылдары Н.Бекежанов атындағы Қызылорда облыстық драма театрының артисі;
• 1994-1995 жылдары Қалибек Қуанышбаев атындағы Ақмола облыстық қазақ музыкалық-драма театрының артисі;
• 1995 жылдан бастап Шахмет Құсайынов атындағы Ақмола облыстық қазақ музыкалық-драма театрының жоғарғы санаттағы драма артисі.

Қоғамдық белсенділігі

• 1975 – 1987 жылдары Қызылорда қаласының қалалық кеңесінің депутаты;
• ҚазКСР Театр қайраткерлері одағының мүшесі (1963 жылдан);
• КСРО Театр қайраткерлері одағының мүшесі (1990 жылдан);
• Қазақстан Республикасы Театр Қайраткерлері одағының мүшесі.

Марапаттары

• 1967 жылы ҚазКСР Жоғарғы Кеңес Төралқасының «Құрмет» Грамотасы;
• 1970 жылы «В.И.Лениннің туғанына – 100жыл» мерекелік медалі;
• 1975 жылы «Еңбек ардагері» медальі;
• 1967 жылы Қазақстанның еңбек сіңірген әртісі (Қазақ КСР);
• 1980 жылы Қазақстанның халық әртісі (Қазақ КСР);
• 1980 жылы ҚазКСР Жоғарғы Кеңес Төралқасының «Құрмет» Грамотасы;
• 2001 жылы Нұрсұлтан Әбішұлы Назарбаевтың жеке алғыс хаты;
• 2001 жылы ҚР тұңғыш президентінің «Президенттік степендиясы»ның иегері.
• 2006 жылы Ақмола облысының әкімінің «Құрмет» Грамотасы;
• 2008 жылы ҚР мәдениет пен өнер саласындағы президенттік степендиясының иегері.
• 2010 жылы Көкшетау қаласының Құрметті азаматы атағы берілген.
• 2011 жылы «Парасат ордені»нің иегері атанды.
• 2011 жылы «ҚР тәуелсіздігіне – 20 жыл» мерекелік медальі;
• Бірнеше рет Қазақстан Республикасы Мәдениет Министрлігінің, Ақмола облысының әкімінің, Ақмола облысының мәдениет басқармасының, Қазақстан Республикасының Театр қайраткерлер одағының Құрмет грамоталары мен Алғыс хаттарымен марапатталды.

Жеке қасиеттері

Діни көзқарасы - діндар.

• Тұрмыс құрған. Жұбайы - Жағыпаров Б. (1942 жылы туған), Облыстық халық шығармашылығы орталығы басшысының шаруашылық жөніндегі орынбасары.
• Ұлдары - Жағыпаров Айбол (1964 жылы туған), Жағыпаров Нұртуған (1966 жылы туған), Жағыпаров Нұрбол (1970 жылы туған), Жағыпаров Нұрлан (1976 жылы туған).