Жәнібек Қамбарбекұлы Аманов

Аманов Жәнібек Қамбарбекұлы (20.01.1989, Атырау қ-сы.), ХДСШ-і. ҚР Ұлттық Олимпиядалық құрама командасының сапында Италияның Турин қаласында өткен 37 дүниежүзілік шахмат олимпиядасына қатынасты.

2007 жылы Павлодар қаласында 18 жасқа дейінгі жасөспірімдер арасындағы ҚР ч-тын- да "блиц" номинациясында алтын, "рапид" номинациясында қола медаль иемденді. 2007 және 2008 жылдары ҚР теміржолшылар ч-тына қатынасып, 2 дүркін чемпион атанды.

Үндістанның Дели қаласында өткізілген халықар. Шахмат фестивальдеріне қатынасып, 20 жасқа дейінгі респ. жастар арасында 2008 жылы 2-орын және 2009 жылы 3-орындарға шықты. 2007 жылы Ресейдің Саратов қаласында (2-18 тамыз) және Астрахань қаласының 450 жылдық құрметіне арналған (20-30 тамыз) халықар. шахмат турнирлерінде 1-орындарды жеңіп алды. 2008 жылды қараша айында Германияның Дрезден қаласында өткізілген халықар. шахмат федерациясының конгресінде, Аманов Жәнібекке шахматтан халықар. дәрежедегі спорт шебері атағы берілді.