Зал интерьерлері

Зал интерьерлері - қазіргі кезде қоғамдық тамақтандыру кәсіпорындарындағы залдар интерьерлерінің 7 стилі белгілі: классикалық; готикалық; модерн; хай-тек; шығыс стилі; кантри; неоорыс. Классикалық стиль — ауыр маталардан тігілген дастарқандармен, бағалы ағаш түрлерінен дайындалған жиһазбен, ірек амфоралары түріндегі вазалармен ерекшеленеді. Классикалық стильдің 3 бағыты бар: ампир, барокко, рококо. А) Ампир — XIX ғасырдың бірінші үш онжылдық стилі. Залдар мәрмәрмен, қоламен, айналармен, панномен ерекшеленеді. Жиһаздар антикалық үлгіде жасалынып, ал ыдыс-аяқтар гравировкаланады. Ампир стилінің 2 түрі бар: 1) еуропалық; 2) орыс. Еуропалық түрінде колонналардың жоғарғы жағы ою-өрнектермен, төбесі мен қабырғалары жазуларымен әшекейленген. Саздан және алтыннан жасалған бұйымдар қолданылады. Орыс түрінде хрусталь люстралар, айналар, ағаштан жасалған жиһаз, қоладан дайындалған бүйымдар пайдаланылады. Готикалық XVII ғасырдың бірінші жартысында Франция мен Англияда пайда болып, кейін бүкіл Еуропаға тарады. Тас немесе мәрмәрдан жасалған төртбұрышты үстелдермен, арқасы ұзын орындықтармен, каминдермен ерекшеленеді. Ортағасырлық зындан стилінде орындалған концептуалды мейрамханаларда қолданылады. Модерн - XVIII ғ. соңы XIX ғ. басындағы стиль. Абстрактты сызықтармен, дәстүрлі емес материал- дармен жөне қызыл-ала түстердің қосарлануымен сипатталады. Хай-тек жоғарғы технология. Осы заманғы жастар стилі стеклопластикадан, металдан, меланиннен дайыңдалған жиһазбен, жоғарғы сортты түсті шыныдан жасалған ыдыс-аяқтармен, майшамдармен ерекшеленеді. Шығыс стилі — жоғарғы дөрежелі әсемділікті көздейтін стиль. Шығыс елдер халықтары қолданылатын күміс және қорғасын ыдыс-аяқтармен бейнеленеді. Кантри — қарапайым интерьер- лерімен, ауылдық стилизациясымен орындалған қазіргі замандағы бағыт. Көбінесе сыра барларында, клубтарда, кабак пен қала шетіндегі мейрамханаларда қолданылады. Неоорыс — ежелгі орыс шаруалар стилін қамтиды. Тек қана ағаштан дайындалған жиһазбен, аркалармен ерекшеленеді.