Кенжеғали Тұрсынбекұлы Мыржықбай

Кенжеғали Тұрсынбекұлы Мыржықбай 1953 жылы 3 сәуірде Шығыс Қазақстан облысының Аягөз қаласында туған. Қазақ. Арғын тайпасы Қаракесек руы Нұрбике-Шаншар руынан шыққан.

Кенжеғали Тұрсынбекұлы Мыржықбай
Дүниеге келгені:	1953 сәуір Шығыс Қазақстан облысының Аягөз қаласы
Мансабы:	ШҚО Мемлекеттік филармониясының директоры

Н.А. Римский-Корсаков атындағы Ленинград консерваториясының вокал-хор факультетін (1981) опера әншісі, концөрттік әнші, педагог мамандығы бойынша; Т. Жүргенов атындағы Алматы өнер академиясының музыкалық спектакльдер режиссурасы факультетін (1996) музыкалық режиссер мамандығы бойынша бітірген. Л.Н. Гумилев атындағы Еуразия ұлттық университетінің профессоры (1997 жылдан); өнертану профессоры (2003 жылдан). 10-нан астам мақаланың авторы, бұқаралық ақпарат құралдарына көптеген интервьюлер берген. Оның қатысуымен болған 6 опералық спектакль және 3 жеке концерт Қазақстандық радио және телевизия алтын қорына енгізілді. Қазақ және орыс тілдерін біледі. «Нұр Отан» ХДП мүшесі. 1981 жылдан - Абай атындағы Мемлекеттік академиялық опера және балет театрының жетекші солисі. 1996 жылдан - Л.Н. Гумилев атындағы Еуразия үлттық университетінің доценті, профессоры. 1997 жылдан - Ақмола мемлекеттік филармониясының директоры, көркем жетекшісі. 1998 жылдан - Астана қалалық Музыка академиясы жеке ән орындау кафедрасының меңгерушісі. 2007 жыл- дан - ШҚО Мәдениет басқармасының бастығы. 2009 жылдан бері - ШҚО Мемлекеттік филармониясының директоры.

ҚР Еңбек сіңірген әртісі (1991). Діни көзқарасы - мұсылман. Хоббиі - спорт, аңшылық, кітап оқу. Сүйіп оқитын әдебиеті - классикалық әдебиет, мерзімді басылымдар.

Үйленген. Жұбайы - Мыржықбаева Айман Бекенқызы (1955 ж. т.). Ұлы - Мыржықбай Еркеғали Кенжеғалиүлы (1979 ж. т.); қызы - Мыржықбаева Айжан Кенжеғалиқызы (1986 ж. т.).