Кенжеғұл Социалұлы Сейтжан
Кенжеғұл Социалұлы Сейтжан (29 шілде 1982, Амангелді ауылы, Амангелді ауданы, Қостанай облысы, Қазақ КСР) — қазақстандық қоғам қайраткер, паралимпиадалық спортшы, Қазақстан Парламенті Мәжілісінің VIII сайланым депутаты (2023 жылдан бастап).
| Кенжеғұл Социалұлы Сейтжан | ||||
.png)
| ||||
| Лауазымы | ||||
|---|---|---|---|---|
| ||||
| 19 наурыз 2023 бастап | ||||
| Өмірбаяны | ||||
| Партиясы | Қазақстан халық партиясы | |||
| Білімі | Әл-Фараби атындағы Қазақ ұлттық университеті | |||
| Дүниеге келуі | 29 шілде 1982 (42 жас) Амангелді ауылы, Амангелді ауданы, Қостанай облысы, Қазақ КСР | |||
өңдеу  |
||||
Өмірбаяны
өңдеуОтбасындағы 20 баланың кенжесі. 6 жасында аттан құлап, көру қабілетіне әсер ететін жарақат алған. Дәрігерлер үш рет ота жасады, одан да көмектеспеді – Кенжеғұлдың бір көзі алты пайыз ғана көре алады.
1991-2003 жылдары Алматы қаласындағы Н.Островский атындағы зағип және нашар көретін балаларға арналған №4 арнайы мектеп-интернатында оқыды. 2007 жылы әл-Фараби атындағы Қазақ ұлттық университетінің «Тарих. Құқық және экономика негіздері» мамандығы бойынша бакалавр дәрежесін, 2015 жылы Білім (көшбасшылық және менеджмент) мамандығы бойынша Реадинг университетінде магистр дәрежесін алды.
Еңбек жолын 2007 жылы Алматы қаласы Медеу ауданындағы №7 орта мектепте тарих пәнінің мұғалімі болып бастады. 2017-2022 жылдар аралығында «Мейірім» мүмкіндігі шектеулі балаларға арналған оңалту орталығында әлеуметтік бағдарламалар менеджері қызметін атқарды. 2017-2022 жылдар аралығында қонақ үй бизнесінде директор болып жұмыс істеді.
Студенттік жылдары паралимпиадалық спорт түрлерімен айналыса бастады. 2016 және 2019 жылдары Францияда өткен паралимпиадалық өрмелеуден әлем чемпионатына қатысып, екеуінде де жетінші орын алды. 2017 және 2019 жылдары голболдан Қазақстан чемпионы атанды, сонымен қатар 2020, 2021, 2022 жылдары голбол кубогын жеңіп алды. 2021 (Петропавл), 2022 (Ақтау), 2022 (Бурабай) паравелоспорт бойынша Қазақстан чемпионаттарының жеңімпазы атанды. 2022 жылғы паравелоспорттан Азия чемпионатының қола жүлдегері (Душанбе, Тәжікстан). Голболдан спорт шеберлігіне үміткер. Паравелоспорттан Қазақстан Республикасының спорт шебері.
2016-2022 жылдар аралығында Қазақстан Голбол федерациясының бас хатшысы қызметін атқарған. 2019-2021 жылдары — Қазақстан паравелоспорт федерациясының вице-президенті болды. 2022 жылдан бастап Astana Goalball федерациясының президенті болып келеді. 2021-2023 жылдары — Қазақстан паравелоспорт федерациясының президенті болды.
2023 жылдың 29 наурызынан бастап — Қазақстан халық партиясының партиялық тізімі бойынша Қазақстан Республикасы Парламенті Мәжілісінің VIII сайланым депутаты болып келеді[1].
2023 жылдың қазан айында Ханчжоудағы 2022 жылғы Азия Пара ойындарына қатысып, Антон Лаврентьевпен тандемде велоспорттан екі қола медаль жеңіп алды[2].
2024 жылы 2 ақпанда Қазақстан Президенті Қасым-Жомарт Тоқаев Кенжеғұл Сейтжанды Қазақстан Республикасы Президентінің қарамағындағы Халықтың әлеуметтік осал санаттарының құқықтары жөніндегі уәкіл етіп тағайындады[3].
Дереккөздер
өңдеу- ↑ ҚР Парламент Мәжілісінің VIII шақырылым депутаттары толықтай анықталды (28 наурыз 2023). Тексерілді, 29 наурыз 2023.
- ↑ Пара Азия ойындарында Қазақстан қоржынына 41 медаль түсті (қаз.) (27 қазан 2023). Тексерілді, 9 желтоқсан 2023.
- ↑ Әлеуметтік уәкіл тағайындалды (2 ақпан 2024). Тексерілді, 6 ақпан 2024.