Кеңшілік Ағытайұлы Мырзабеков

Кеңшілік Ағытайұлы Мырзабеков (6 маусым 1946; Жәнібек Тархан ауылы, Жангелді ауданы, Қостанай облысы – 30 қаңтар 1989, Алматы) – ақын. ҚазМУ-дың журналистика факултетін бітірген (1976). 1966 – 1989 жылы Қостанай облысы “Коммунизм таңы” (қазіргі “Қостанай таңы”), “Лениншіл Жас” (қазіргі “Жас Алаш”), Алматы облысы “Жетісу”, “Социалистік Қазақстан” (қазіргі “Егемен Қазақстан”) газеттерінде, “Жазушы” баспасында, “Мәдениет және тұрмыс” (қазіргі “Парасат”) журналында қызмет атқарды. Ақынның алғашқы жинағы “Іңкәр дүние” 1972 жылы баспадан шықты. Оның “Сәруар” (1980), “Революция перзенттері” (1980), “Қасиетті қас қағым” (1985), “Дәуір – дастан” (1988), “Ауыл мен астана” (1994) атты өлеңдер жинағы жарық көрген. Ақын өлеңдерінде туған жерге деген сүйіспеншілік пен өмірге іңкәрлік, лирика сан түрлі толғаныстар басым. “Балалық шақ балладалары” атты жыр жинағы зерттеушілер тарапынан жоғары бағаланды (1987). Ол Е.Евтушенконың “Менің шешем және нейтрон бомбасы”, “Фуку” атты поэмаларын қазақ тіліне аударды (1989). Сондай-ақ ақынның “Іңкәр дүние” (1990), “Бір мысқал” (1996), “Жолға салдым көшімді (2002), “Менің мұңым – махаббат” (2003) атты жыр жинақтары мен “Тың туралы толғау” (1987) секілді мақалалар, очерктер жинағы бар. Мырзабеков жайында “Қайран Кеңшілік!” атты естелік кітап жарыққа шықты (1996).

Кеңшілік Ағытайұлы Мырзабеков
Туған күні	6 маусым 1946 (1946-06-06)
Туған жері	Жәнібек Тархан ауылы, Жангелді ауданы, Қостанай облысы
Қайтыс болған күні	30 қаңтар 1989 (1989-01-30) (42 жас)
Қайтыс болған жері	Алматы
Азаматтығы	Ресей империясы→ КСРО  Қазақ КСР
Ұлты	қазақ
Мансабы	ақын

2006 жылы Алматы қаласында Кеңшілік Мырзабековтың құрметіне көшенің аты берілген.

Дереккөздер

• Кеңшілік Мырзабековке арналған сайт Мұрағатталған 28 қарашаның 2020 жылы.