Кристина Пагел
Кристина Пагел (/ˈpɑːɡəl/ ағылш. Christina Pagel) — ағылшын және неміс математигі, Лондон университеттік колледжінде жедел зерттеу (operational research) ғылымының профессоры[1]. Ол денсаулық сақтау мәселелерінде жедел зерттеулер, деректерді талдау және математикалық модельдеуді қолдану саласында Лондон университеттік колледжінің клиникалық жедел зерттеу бөлімінің (Clinical Operational Research Unit) тұңғыш әйел директоры[2]. Пагел сонымен қатар Ұлы Ормонд Стрит (Great Ormond Street) ауруханасының құрметті зерттеушісі болып табылады.
| Кристина Пагел | |
| Christina Pagel | |
 Кристина Пагел 2016 жылы | |
| Туған күні | |
|---|---|
| Туған жері | |
| Азаматтығы | |
| Ғылыми аясы | |
| Жұмыс орны | |
| Альма-матер |
Оксфорд университеті, Лондон корольдік колледжі, Лондон империялық колледжі, Биркбек (Лондон университеті) |
Жастық шағы және білімі өңдеу
Кристина Пагел 1975 жылы Лондонда неміс отбасында дүниеге келген. Оның әкесі Мэнфред Пагел Рейтерде журналист, кейін аға менеджер қызметін атқарған, ал анасы Барбара Пагел мұғалім болған. Кристина алғаш білімін Сент Пол қыздар мектебінде (Saint Paul`s Girls School) алды.
Пагел 1996 жылы математика саласынан Куинз-колледжінде(Оксфорд университеті) бакалавр деңгейін аяқтады. Математикалық физика ғылымынан магистр деңгейін (Master of Science) Лондон корольдік колледжінде алды. 2002 жылы Пагел Лондон империялық колледжінде планетааралық магнит өрісіндегі турбуленттілік бойынша ғарыш физикасы саласында PhD-доктор дәрежесіне ие болды.
Мансабы өңдеу
Пагелдің алғашқы мансабы Массачусетс штатының Бостон қаласында профессор Нэнси Кроукпен бірге Бостон университетіндегі Advanced Composition Explorer ғарыш кемесінің деректерін пайдаланып планетааралық кеңістіктегі электрондардың шашырауын зерттеумен өтті[3]. 2005 жылы Лондонға оралып, денсаулық сақтау мәселелеріне математиканы қолдану саласында Лондон университеттік колледжінің клиникалық жедел зерттеу бөліміне ауысты.
2019 жылы Пагел өзінің әріптестері доктор Соня Кроу және профессор Мартин Атлимен бірге Operational Research Society қоғамынан Lyn Thomas Impact Medal сияпатымен марапатталды. Медаль олардың «жүректің туа біткен ақауын» зерттеуіне байланысты жұмыстары үшін тағайындалды және «туа біткен жүрек ақауы бар балалардың өміріне, олардың отбасылары мен осы аурумен ауыратын ересек тұрғындардың санына айтарлықтай әсер етті» деп танылды[4].
2020 жылдың мамыр айында Пагел COVID-19 пандемиясы кезінде Ұлыбритания үкіметіне кеңес беру мақсаты бойынша төтенше жағдайлар жөніндегі тәуелсіз ғылыми-кеңес тобына (Independent Scientific Advisory Group for Emergencies) мүше болып сайланды. Ол ғылыми-кеңесте мүшелік уақытында ITV News[5], Sky News[6], Channel 4 News[7], BBC Newsnight[8] теледидар бағдарламаларына қатысты.
Дереккөздер өңдеу
- ↑ Dr Christina Pagel
- ↑ UCL UCL – London's Global University.
- ↑ Pagel, C.; Crooker, N. U.; Larson, D. E.; Kahler, S. W.; Owens, M. J. (2005). "Understanding electron heat flux signatures in the solar wind" (PDF). Journal of Geophysical Research: Space Physics. 110 (A1). doi:10.1029/2004JA010767. ISSN 2156-2202.
- ↑ "Lyn Thomas Medal Winners – The OR Society". theorsociety.com. Retrieved 22 December 2019.
- ↑ @chrischirp (23 June 2020). "ITV London News" (Tweet) – via Twitter.
- ↑ @BBCNewsnight (26 October 2020). ""Covid is moving faster than political decision making."" (Tweet) – via Twitter.
- ↑ "Tory MP says PM needs to 'rethink' Covid restrictions and 'get Britain working again'". Channel 4 News. 27 November 2020. Retrieved 10 December 2020.
- ↑ @BBCNewsnight (26 October 2020). ""Covid is moving faster than political decision making."" (Tweet) – via Twitter.