Кіші сүйелжазар
Кіші сүйелжазар (лат. Heliotropium parvulum) – айлауыктар тұқымдасы, сүйелжазар туысына жататын бір жылдық шөптесін өсімдік. Қазақстанда тек Алматы облысы Еңбекшіқазақ ауданындағы Бұғыты тауларында кездеседі. Таудың тастақты және қиыршықтасты беткейлері мен төменгі бөлігіндегі жазықтарда өседі. Биіктігі 10 см-дей, бұтақты, сыртын ақ киіз сияқты мамық басқан аласа өсімдік. Жапырақтары ұсақ (ұзындығы 1 см-дей), дөңгелек жұмыртқа тәрізді. Тостағанша жапырақшалары жіңішке қандауыр тәрізді, жемісі түскеннен кейін де сақталып қалады. Күлтелері ұсақ, жіңішке цилиндр тәрізді түтікшелі, ақ түсті. 5 – 10 гүлі бірігіп, шоғырбас гүлшоғырын құрайды. Тұқымынан көбейеді. Маусым – шілде айларында гүлдеп, жемістенеді. Жемісі – ұзынша жұмыртқа тәрізді, жылтыр жаңғақша. К. с. – өте сирек кездесетін эндемик түр, сондықтан қорғауға алынып, Қазақстанның «Қызыл кітабына» енгізілген. [1]
| Кіші сүйелжазар | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
| Ғылыми топтастыруы | ||||||||||||||||||
| ||||||||||||||||||
| Екі-есімді атауы | ||||||||||||||||||
| Heliotropium parvulum Popov |
Сілтемелер
өңдеу- ↑ Қазақстан Энциклопедиясы
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |