Күрті ауданы

Күрті ауданы — 1972-1997 жылдары Алматы облысында болған әкімшілік бірлік.

Аудан
Күрті ауданы
Әкімшілігі
Ел	Қазақстан
Кіреді	Алматы облысы
Енеді	10 ауылдық округ, 1 кент
Әкімшілік орталығы	Ақши
Тарихы мен географиясы
Құрылған уақыты	10 наурыз 1972
Таратылған уақыты	23 мамыр 1997
Тұрғындары
Тұрғыны	21 823 адам (2009)

Тарихы

Қазақ КСР Алматы облысының Күрті ауданы 1972 жылы 10 наурызда құрылды. Оның құрамына келесі ауылдық кеңестер кірді:

• Балқаш ауданынан — Ақжар, Құйған, Желтораңғы, Сарыкөмей ауылдық кеңестері
• Іле ауданынан — Күрті ауылдық кеңесі
• Қаскелең ауданынан — Железнодорожный ауылдық кеңесі

Сол жылы Айдарлы ауылдық кеңесі құрылды.

1981 жылы Бозой және Топар ауылдық кеңестері құрылды.

1986 жылы Сарытауқұм ауылдық кеңесі құрылды. Үлкен жұмысшы кенті құрылды.

1991 жылы Железнодорожный ауылдық кеңесі Теміржол болып өзгертілді.

1994 жылы Ақжар ауылдық кеңесі жойылды, бірақ 1995 жылы қалпына келтірілді.

1997 жылы 23 мамырда Күрті ауданы таратылды. Балқаш ауданына Ақжар, Желтораңғы, Құйған, Сарыкөмей, Топар ауылдық округтері; Жамбыл ауданына – Айдарлы, Бозой, Сарытауқұм, Теміржол ауылдық округтері мен Үлкен кенттік округі; Іле ауданына – Күрті ауылдық округі берілді.

Әкімшілік бөлінісі

1986 жылғы мәлімет бойынша аудан құрамында 9 ауылдық кеңес пен 21 елді мекен болған:

Ауылдық кеңес	Орталығы	Елді мекендері
Айдарлы ауылдық кеңесі	Айдарлы ауылы	Айдарлы, Ащысу, Шилібастау
Ақжар ауылдық кеңесі	Ақжар ауылы	Ақжар, Аралтөбе, Көкішбай
Бозой ауылдық кеңесі	Бозой ауылы	Бозой
Железнодорожный ауылдық кеңесі	Ұзынағаш станциясы	Күрті, Ұзынағаш
Желтораңғы ауылдық кеңесі	Желтораңғы ауылы	Желтораңғы, Қасқаөгіз
Күрті ауылдық кеңесі	Ақши ауылы	Ақши
Құйған ауылдық кеңесі	Балатопар ауылы	Ақбайлау, Ақдала, Балатопар, Қарабек, Майбұлақ
Сарыкөмей ауылдық кеңесі	Құйған ауылы	Қараөзек, Құйған
Топар ауылдық кеңесі	Топар ауылы	Топар, Чапаево

Халқы

1979	1989
20309	▲29985