Көксу полиметалл кен орны

Көксу полиметалл кен орныЖетісу облысы Талдықорған қаласынан оңтүстік-шығысқа қарай 100 км жерде орналасқан.

Көксу полиметалл кен орны
44°39′53″ с. е. 78°54′14″ ш. б. / 44.6647461° с. е. 78.9038086° ш. б. / 44.6647461; 78.9038086 (G) (O) (Я)Координаттар: 44°39′53″ с. е. 78°54′14″ ш. б. / 44.6647461° с. е. 78.9038086° ш. б. / 44.6647461; 78.9038086 (G) (O) (Я) (T)
Ел Қазақстан
АймақЖетісу облысы
Көксу полиметалл кен орны (Қазақстан)
Көксу полиметалл кен орны

Геологиялық құрылымы өңдеу

Кен алаңы Текелі-Боратала синклинорийі мен Оңтүстік Жоңғар антиклинорийінің аралығында. Кен солтүстік-батыс, солтүстік және шығыс бағыттарда созылған жарылымдармен блоктарға бөлініп күрделенген. Геологиялық қиманың төменгі қабатында әктас пен доломиттер, одан жоғарғы төменгі палеозойдың құмтастары мен тақтатастары солтүстік-батыс бағытта созылған Көксу синклиналінің ядросын құрайды.

Жатыс сипаты, минералдары өңдеу

Кен денесі линза пішіндес. Кен құраушы минералдары: галенит, сфалерит, пирит, пирротин, халькопирит, аз мөлшерде буланжерит, джемсонит, бурнонит, арсенопирит бар. Кеннің тотығу белдемі 130 м тереңдікке дейін тараған.

Құрамы өңдеу

Кентас құрамындағы қорғасынның мөлшері 2,98%, мырыш 0,97%, мыс 0,54% және акцессор элементтерден сүрме, күшәла, никель, кадмий, ванадий, т.б. бар.[1]

Дереккөздер өңдеу