Ликерлер
Ликерлер — күшті алкогольді ішімдіктер; спирт негізінде татымдық хош иісті, жеміс және жидек өсімдіктерінің сорындысын (яғни табиғи шырындар), сондай-ақ какао, кофе, бал сияқты дәмі күшті өнімдер қосылып жасалатын, спирт пен қанты мол ішімдік. Ликерлер күшті (спирт 43%-дан 56%-ға дейін, қант 30%-дан 60%-ға дейін) және десерттік (спирт 20%-дан 36%-ға дейін, қант 15%-дан 30%-ға дейін, кейде 60%-ға дейін) болып бөлінеді. Қазіргі уақыттағы ликерлердің атаулары дәмі, хош иісі не түсі соған байланысты болатын негізгі шикізатына орай аталады: "Апельсинді", "Ванильді" және т. б. Ежелден мәлім ликерлерге жасалған жерінің атаулары беріледі ("Шартрез"). Алғаш рет ликерлер XVI ғ. Францияда жасалған. 1605 ж. жасалған, бүкіл дүние жүзіне әйгілі француздық "Шартрез"ликерінің рецепті күні бүгінге дейін қатаң құпия болып келеді. Сондықтан басқа елдерде шығарылып жүрген ең сапалы деген "Шартрездердің" өзі түсі мен күштілігі болмаса, басқа жағынан нағыз "Шартрездей" бола алмайды. Ликерлер ішімдік ретінде пайдаланылуымен қоса кондитерлік салада (кәмпиттерге, торттарға, кекстер мен кремдерге хош иіс беретін қоспалар ретінде) және кулинарияда (компоттарға, кисельдерге, балмұздақтарға, тұздықтарға қосылады) кеңінен қолданылады.[1]
Тағы қараңыз
өңдеуДереккөздер
өңдеу- ↑ Қазақ тілі терминдер сөздігі I том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |