Луара

Луара (Loіre) — Франциядағы өзен. өз. 1012 км, алабының ауданы 115 мың км². Севенна тауынан басталып, Атлант мұхитының Бискай шығанағына эстуарий жасап құяды. Негізгі салалары — Алье, Шер, Вьенна. Су деңгейі ақпан мен наурызда көтеріліп, тамыз бен қыркүйекте төмендейді. Орташа су ағымы төмен ағысында (Монжан қаласы маңында) 843 м3/с. Нант қаласына дейін Луара су деңгейіне теңіздің толысуы әсерін тигізіп отырады. Роан қаласына дейін өзен кемесі, Нант қаласына жеткенше (сағасынан 53 км) теңіз кемесі жүзе алады. Канал арқылы Сена, Сона және Рейн өзендерімен жалғастырылған. Луара жағалауындағы Роан, Невер, Орлеан, Тур, Нант және Монсоро қалалары ел экономикасында маңызды рөл атқарады.

Дереккөздер

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.