Максим Дмитриевич Зверев

Зверев Максим Дмитриевич(29 қараша 1896, Ресей, Алтай өлкесі, Барнаул қ. – 1996, Қазақстан, Алматы) – Қазақстанның халық жазушысы.

Максим Зверев
Максим Дмитриевич Зверев
Туған күні	29 қазан 1896 (1896-10-29)
Туған жері	Барнаул, Алтай өлкесі, Ресей империясы
Қайтыс болған күні	23 қаңтар 1996 (1996-01-23) (99 жас)
Қайтыс болған жері	Алматы, Қазақстан
Азаматтығы	КСРО  Қазақстан
Ұлты	орыс
Мансабы	жазушы
Шығармалардың тілі	Орысша
Дебюті	1920 жыл

Өмірбаяны

Томск университетін бітірген (1923).

1923 – 1937 жылы Сібір өсімдік қорғау ғылыми-зерттеу институтында ғылыми қызметкер, Новосибирск қалалық зоопаркінің директоры, Томск университетінде доцент болған.

1937 жылы Қазақстанға қоныс аударып, 1937 – 1952 жылы Алматы зоопаркінде ғыл. бөлімнің меңгерушісі, директоры, ҚазМУ-де доцент қызметтерін атқарды.

1952 жылдан ғұмырының соңына дейін еркін шығармашылық жұмыспен айналысты.

Шығармашылығы

Алғашқы повесі – “Ақ марал” 1920 жылы жарық көрген. Повестер, әңгімелер, ертегілер, очерктер жинақтары: “Індер мен ұяларда” (1937), “Ормандағы кездесулер” (1938), “Алатау қорықтары” (1946), “Ертіс тоғайлары мен далаларында” (1950), “Орман алауы жанында” (1952; Қазақстанның Мемл. сыйл., 1953), “Алтын киік” (1957), “Көкпектінің аңшысы” (1963), “Дала қасқыры” (1975; Германияның “Бестлитсе” сыйл., 1976), “Орманда ауа райын болжау” (1987), “Орман күзетінде” (1987), т.б. атпен жарық көрді. Жазушы шығармашылығы Сібір мен Қазақстан табиғатына тікелей байланысты, оқырмандарды құстар мен аңдардың тіршілігімен таныстырып, туған табиғатты қорғап аялаушы ғалымдар, орманшылар, т.б. тұрмысы, мақсат-мүддесі туралы мол мағлұмат береді. Кітаптары бірнеше шет елдердің тілдеріне аударылған.

Марапаттары

Еңбек Қызыл Ту, “Халықтар достығы”, 2 рет “Құрмет Белгісі” ордендерімен,, бірнеше медальдермен марапатталған.

Шығармалары

• Приключения моих диких друзей, А.-А., 1939;
• Рассказы о зверях и птицах. Омбы, 1953;
• Рассказы старого охотника, А.-А., 1955;
• На разливе, М., 1956; Избранное, А.-А., 1956;
• О птицах и зверях нашей родины. М., 1960;
• Избранное, в 2-х т. А.-А., 1976;
• Собр. соч., в 3-х т., А.-А., 1983 – 85.