Махайрод
Махайрод, [мachaіrodus; грек. machaіra — қылыш, семсер және odus (odentos) тіс], қылыш тісті жолбарыс – мысық тұқымдасының жойылып кеткен бір туысы, жыртқыш аң. Неоген дәуірінде, бұдан 3 – 20 млн. жылдар бұрын Батыс Еуропа, Азия, Африкада тіршілік еткен. Алғаш оның сүйектері Германия жерінде табылған. Дене мөлшері ірі жолбарыстай. Үстіңгі сойдақ тістері ұзын, сорайып шығып тұрған, қылыш тәрізді қырлары өткір болған, аты осыған байланысты қойылған. Алдыңғы екі жақ тістері болған, ол жағының қысқалығын көрсетеді. Махайродтар сол кездерде тіршілік еткен жануарлардың ең ірісі мастодонтқа дейін шабуыл жасаған. Оның сүйектері Қазақстанда Асқазансор қазба фаунасында және Павлодар, Қарабастұз, Қалмақпай палеонтол. қазба орындарынан табылған. Б. Байшашов
Дереккөздер
өңдеу«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VI том
Сілтемелер
өңдеу- ↑ Қазақ Энциклопедиясы
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |