Медет Мақсұтұлы Сартбаев

Сартбаев Медет Мақсұтұлы - Қазақстан Республикасының Ұлттық Банкі төрағасының орынбасары.

1966 ж. 16 қыркүйекте Бішкек қаласы (Қырғыз КСР) туған.

1991 ж. М.Горький атындағы Орал мемлекеттік университетін (Свердловск, РФ),

1997 ж. РФ Үкіметі жанындағы Қаржы академиясын бітірген, экономист.

1985-87 жж. - Кеңес Армиясының қатарында азаматтық борышын өтеген.

1991-92 жж. – Қазагроөнеркәсіп банкінің аға экономисі, аға референті.

1992-98 жж. - ҚР Ұлттық банкінің жетекші экономисі, бөлім бастығы, басқарма бастығының орынбасары - бөлім бастығы, басқарма бастығы, монетарлық операциялар департаменті директорының орынбасары.

1998-1999 жж. - «ҚазТрансОйл» ЖАҚ стратегиялық жоспарлау жөніндегі атқарушы директоры.

1999-2000 жж. - Қазақстан Республикасының Қаржы министрлігінің мемлекеттік қарыз және несиелеу департаментінің директоры.

2000 ж. - ҚР экономика вице-министрі.

2000-2001 жж. - «Қазақстан Халық Банкі» АҚ басқарма төрағасының орынбасары.

2001-2003 жж. - «Қазақстан Даму Банкі» АҚ вице-президенті.

2004 ж. - «Кайсар Asset Management» АҚ президенті.

2005-2006 жж. - «Маркетингтік-сараптамалық зерттеулер орталығы» АҚ Басқарма төрағасының орынбасары.

2006 жылдан - Қазақстан Республикасының Ұлттық Банкі төрағасының орынбасары.