Мейірхан Әбілқайырұлы Сатыбалдин

Мейірхан Әбілқайырұлы Сатыбалдин 1956 жылы 1 шілдеде Жамбыл облысы Талас ауданының Алакөл ауылында туған. Қазақ. Әкесі - Сатыбалдин Әбілқайыр, марқұм. Анасы - Тілеуүмбетқызы Ұрымша, марқұм. С.М. Киров атындағы Қазақ мемлекеттік университетінің заң факультетін (1980) «құқықтанушы» мамандығы бойынша бітірген. Қазақ және орыс тілдерін біледі. 1973 жылдан - Жамбыл облысы Талас ауданының БЖСМ тренері. 1974 жылдан - С.М. Киров атындағы Қазақ мемлекеттік университетінің тыңдаушысы, 1975 жылдан - студенті. 1980 жылдан - Жамбыл қаласы Орталық ауданы прокуратурасының тергеушілігіне тәжірибеден өтуші. 1981 жылдан - Жамбыл облысы Қаратау қаласы прокуроры көмекшілігіне тәжірибеден өтуші. 1982 жылдан -Жамбыл облысы Қаратау (қала) прокуратурасының аға тергеушісі, 1984 жылдың сәуірінен - Жамбыл облысы прокуратурасының тергеу бөлімінің прокуроры. 1984 жылдың мамырынан - Жамбыл облысы прокурорының жалпы бақылау жөніндегі көмекшісі. 1988 жылдан - Жамбыл облысы прокуратурасы тергеу басқармасының прокуроры, 1989 жылдан - аға прокуроры. 1992 жылдан - Жамбыл облысы прокуратурасы жалпы бақылау бөлімінің бастығы. 1993 жылдан - Жамбыл қаласы Зауыт ауданы прокурорының көмекшісі, 1994 жылдан - прокурордың аға көмекшісі, 1995 жылдан - прокурордың орынбасары. 1996 жылдан - Жамбыл облысы Шу ауданының прокуроры. 1997 жылдың сәуірінен - Жамбыл облысы Шу ауданаралық прокурорының м.а., 1996 жылдың маусымынан - прокуроры. 1998 жылдан - Жамбыл облысы прокурорының орынбасары, 2001 жылдан - прокурордың бірінші орынбасары. 2006 жылдан - Түркістан облысы прокурорының орынбасары. 2008 жылдың қаңтарынан бері - Түркістан облысы Кедендік бақылау департаментінің бастығы. «Ұлттық қауіпсіздікті қамтамасыз етудегі үлесі үшін» (2005) медалімен; ҚР қаржы министрлігі Кедендік бақылау комитетінің 2-ші (2009) және 1-ші (2010) дәрежелі «Кеден органдарындағы үздік қызметі үшін» белгісімен марапатталған. Әскери атағы - аға лейтенант. Діни көзқарасы - барлық діндерге құрметпен қарау. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Қазақстан экономикалық тұрақты дамыған жоғары технологиялы мемлекеттердің біріне болады». Хоббиі - кітап оқу, футбол, белсенді демалыс. Сүйіп оқитын әдебиеті - психология, философия, мерзімді басылымдар. Үйленген. Жұбайы - Мақұлова Венера Төлөгенқызы, нотариус. ¥лдары - Әбілқайыров Рүстем Мейірханұлы; Мейірхан Мәрлен; қызы - Сатыбалдина Жанерке Мейірханқызы.[1]

Дереккөздер өңдеу

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2