Мейірім Төлегенұлы Нұрсұлтанов
Мейірім Төлегенұлы Нұрсұлтанов (27 шілде 1993, Аягөз, Шығыс Қазақстан облысы, Қазақстан) — қазақстандық боксшы, ХДСШ, 2014 жылғы Қазақстан чемпионы, 2015 жылғы Дүниежүзiлiк бокс сериясының (WSB) чемпионы. Орта салмақтағы кәсіпқой боксшы (middleweight). Америка Құрама Штаттарында жеңіліссіз өткен тоғызыншы жекпе-жекте NABF Junior Middleweight чемпиондық белбеуін жеңіп алды (2018).
Мейірім Төлегенұлы Нұрсұлтанов  | |
| Жалпы мағлұмат | |
|---|---|
| Азаматтығы | |
| Туған күні | |
| Туған жері | |
| Салмағы |
72,574 кг дейін (160 фунт) |
| Тұрысы |
сол жақтық тұрыс (оңақай) |
| Бойы |
183 |
| Бапкері |
Жанат Манашев, Бейбіт Есжанов |
| Қызметтік тізімі (boxrec) | |
| Марапаттар | |||
|---|---|---|---|
| Men's Boxing | |||
 Қазақстан
| |||
| Жастар арасындағы Азия чемпионаты | |||
| Алтын | Тегеран 2010 | 64 кг дейін | |
| Қазақстан чемпионаты | |||
| Қола | Астана 2012 | 69 кг дейін | |
| Алтын | Тараз 2014 | 75 кг дейін | |
| World Series of Boxing | |||
| Алтын | WSB 2015 | 75 кг дейін | |
Әуесқойлар арасындағы Азия-2013 және 2013 жылғы әлем чемпионы — Мерей Ақшаловтың інісі.
Өмірбаяны өңдеу
«Менің ағам әрқашан менің кумирім болды. Мен оның қадамдарын үнемі бақылайтынмын. Ол тамаша боксшы. Бокс — нағыз спорт түрі. Әр адам өзін және отбасын қалай қорғау керектігін білуі керек». — Мейірім Нұрсұлтанов. Мейірімнің боксшы болып қалыптасуында оның ағасы, Азия-2013 және 2013 жылғы әлем чемпионы (64 келі салмақта) Мерей Ақшалов басты рөл атқарды. Содан бері әуесқойлық деңгейде Нұрсұлтанов 250-ге жуық жекпе-жек өткізді.
Әуесқой айқастарындағы мансабы өңдеу
2009 жылдың қараша айында 16 жасар Нұрсұлтанов Орал қаласында өткен 64 келі салмақтағы 1992-1993 жылдардағы жастар арасындағы Қазақстан чемпионатында жеңімпаз атанып, Азия чемпионатына жолдама алды[1].
2010 жылдың наурыз айында Тегеран қаласында (Иран) 64 келі салмақта жастар арасында Азия чемпионы атанды[2].
2012 жылы 19 жастағы Нұрсұлтанов 69 келі салмақта Астанада өткен бокстан ересектер арасындағы Қазақстан чемпионатының қола жүлдесін жеңіп алды, осы салмақта Қазақстан Республикасының чемпионы болып одан кейін сол жылы әлем және Азия чемпионы болып Данияр Елеусінов атанды[3].
Ол 2014 жылдың желтоқсан айында Тараз қаласында 75 келі салмақта финалда оңтүстікқазақстандық Нұрзат Сабировты ұтып, Қазақстан чемпионы атанды[4].
«Astana Arlans» өңдеу
Дүниежүзілік бокс сериясының (WSB) «Astana Arlans» қазақстандық жартылай кәсіпқой командасына шақырылды. 2015 жылғы маусымның басты кейіпкерлерінің біріне айналды. Ол 75 келіге дейінгі салмақ дәрежесінде барлық жекпе-жекте жеңіске жетіп, финалда «Cuba Domadores» командасынан кубалық Лопес Кардонаны (3:0) сенімді түрде ұтып, «Astana Arlans» екінші рет WSB чемпионы атанды[5].
Кәсіби мансабы өңдеу
2016 жылы 23 жастағы боксшы кәсіпқойға ауысу туралы шешім қабылдап, Кэти Дува басқаратын Main Events компаниясымен келісімшартқа отырды. Боксшының менеджері Эгис Климас ресейлік Сергей Ковалев пен украиналық Василий Ломаченко мен Александр Усиктің ісімен де айналысады. Жаттықтырушысы: Роберто Гарсиа. Жаттығу алаңы Окснард, Калифорния, АҚШ. Ол жерлесі Мадияр Ашкеевпен бір командада жаттығады.
Ол 2016 жылы 19 қарашада АҚШ-тың Лас-Вегас қаласында Сергей Ковалев - Андре Уорд жекпе-жегінің андеркартында дебюттік жекпе-жегін өткізіп, бірауыздан қабылданған шешіммен (60:54, 60:54, 60:54) 6 раундта Генри Бекфордты жеңді.
Екі жылдан кейін, 2018 жылы 13 қазанда Лас-Вегаста (АҚШ) өзінің тоғызыншы жеңіліссіз жекпе-жегінде ол төрешілердің бірауыздан қабылданған шешіммен (80:71, 80:71, 80:71) афроамерикалық Джамар Фриманды (15-6-2) жеңіп, NABF Солтүстік Америка чемпионы атағын жеңіп алды[6].
Кәсіби жекпе-жек кестесі өңдеу
| Айқас | Есеп | Күні | Қарсыласы | Болған жері | Нәтижесі | Ескерту |
|---|---|---|---|---|---|---|
| 11 | 11 (8)-0 | 24 наурыз 2019 |  Луис Эрнандес (16-7-0. 9КО)
|
 Авалон, Голливуд, Калифорния, АҚШ
|
UD (8) | |
| 10 | 10 (8)-0 | 11 қаңтар 2019 |  Рамон Агинага (13-1-0, 9KO)
|
Chumash Casino Resort, Santa Ynez, Калифорния, АҚШ
|
KO 2 (8) | 2-раундта нокаут |
| 9 | 9 (7)-0 | 13 қазан 2018 | Джамар Фримэн (15-6-2, 8KO)
|
Hard Rock Hotel and Casino (Las Vegas), АҚШ
|
UD (8) | NABF Junior Middleweight Title бос титулды жеңіп алды |
| 8 | 8 (7)-0 | 4 тамыз 2018 |  Хонатан Батиста (18-14-0, 11KO)
|
Hard Rock Hotel & Casino Atlantic City, АҚШ
|
RTD 2 (6) | 2-раудтан кейін айқастан бас тарту |
| 7 | 7 (6)-0 | 23 маусым 2018 | Хосе Обандо (16-20-1, 12KO)
|
Belasco Theatre, Лос Анжелес, АҚШ
|
KO 6 (6) | 6-раундта техникалық нокаут |
| 6 | 6 (5)-0 | 3 наурыз 2018 | Алехандро Торрес (9-3-2)
|
Мэдисон Сквер Гарден, Нью-Йорк, АҚШ
|
TKO 6 (6) | 6-раундта техникалық нокаут |
| 5 | 5 (4)-0 | 25 қараша 2017 | Эрик Мун (7-0-0, 6KO)
|
Мэдисон Сквер Гарден, Нью-Йорк, АҚШ
|
TKO 2 (6) | 2-раундта техникалық нокаут |
| 4 | 4 (3)-0 | 9 қыркүйек 2017 |  Исмаэль Буэно (15-6-0)
|
Сарыарқа (велотрек), Астана, Қазақстан
|
TKO 1 (6) | 1-раундтың 50 секундында нокаут |
| 3 | 3 (2)-0 | 14 шілде 2017 | Лэнни Дардара (5-7-2)
|
Belasco Theatre, Лос Анжелес, АҚШ
|
KO 1 (6) | 1-раундта нокаут |
| 2 | 2 (1)-0 | 15 сәуір 2017 | Хавьер Ольвера (1-0-0)
|
Мохеган Сан Арена, Анкасвилл, Коннектикут, АҚШ
|
TKO 2 (6) | 2-раундта техникалық нокаут |
| 1 | 1 (0)-0 | 19 қараша 2016 | Генри Бекфорд (4-5-0)
|
Ти-Мобайл Арена, Лас-Вегас, АҚШ
|
UD (6) | Кәсіби дебюті |
Дереккөздер өңдеу
- ↑ Бокстан Қазақстан чемпионаты.(қолжетпейтін сілтеме)
- ↑ Бокстан Азия чемпионатында Қазақстан жастар құрамасы 1-орынды иеленді.(қолжетпейтін сілтеме)
- ↑ 2012 жылғы бокстан ҚР чемпионатының жеңімпаздары мен жүлдегерлері.(қолжетпейтін сілтеме)
- ↑ Бокстан Қазақстан чемпионатының қорытындысы. Басты дереккөзінен мұрағатталған 6 тамыз 2018.(қолжетпейтін сілтеме) Тексерілді, 6 тамыз 2018.
- ↑ Мейірім Нұрсұлтанов: «Мен WSB-де Astana Arlans-қа әрі қарай да пайдамды тигізгім келеді».(қолжетпейтін сілтеме)
- ↑ Қазақстандық Мейірімнің бірінші титулдық жекпе-жегінің нокдаун және ең жақсы сәттерінің видеосы.(қолжетпейтін сілтеме)