Микроклин
Микроклин (микро… және грекше klіno – еңкейемін) – силикаттар класындағы дала шпаттары тобының сілтілеріне жататын минерал. Химиялық формуласы: (K, Na)[AlSі3O8]. Құрамында аз мөлшерде Ca, Ba, Fe, Rb, Cs қоспалары болады. Микроклин бірнеше м3-ге дейін монокристалдық денелер түзейді немесе призма пішінді кристалдардан тұратын түйіршікті үйінділер құрайды. Түсі ақ, сұр, ақшыл сұр, қоспаларына қарай қызыл, солғын қызыл, алқызыл, қоңырқай сары, қызғылт ақ, көгілдір жасыл (амазонит); шыныдай жылтыр; қаттылығы 6 – 6,5; тығыздығы 2540 – 2570 кг/м3. Сілтілі және қышқыл жыныстарда кварц, альбит, нефелин, слюдалармен, ал гидротермальдық жерлерде тау хрусталі, кальцит, сидерит, рутил, сфен, апатит, касситерит, вольфрамит, молибденит, топаз, т.б. минералдармен бірге кездеседі. Микроклиннен тұратын пегматиттер Қазақстанда Алтай, Сарыарқа және Оралда кездеседі. Микроклин – керамика, шыны, эмаль, абразивтік бұйымдар өндірісінің басты шикізаты.[1]
Сілтемелер
өңдеуДереккөздер
өңдеу- ↑ Қазақ энциклопедиясы, 6 том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |