Модуль өлшем

Модуль (латынша modulos – өлшем) – сәулет өнері ғимараты құрылымын бағдарлау үшін үлгі ретіне алынған өлшем.

Тарихы

Көне заманда, б.з.б. 3 ғасырда Сырдария мен Әмудария өзендері аралығында тұрғызылған Қойқырылған, Жанбас, Топыраққала қалаларындағы саз балшықтан жасалған кірпіштердің өлшемі 25х25х10 см болған.

Қолданылуы

Модуль әр халықтың құрылыс салу ерекшелігі мен техникалық, композициялық әдісіне байланысты түрлі мөлшерде қолданылады. Онымен ғимарат күмбезінің көлемін, бағана диаметрін, құрылыс материалдарының мөлшерін белгілейді. Қазіргі заманда модуль тікелей ұзындық өлшемі (фут, сажень, метр, сантиметр) рөлін де атқарады. Модуль өлшемі стандарт болғандықтан ғимарат құрылымының үйлесімді, сымбатты салынуына мүмкіндік туғызады. Модульмен алынған құрылым заттары бағана, тіреуіш, төбе, қабырға, т.б. зауытта жасалынады. 20 ғасырдың 2-жартысында сәулет өнерінде ұзындық өлшемі ретінде модульдің рөлі артты. Модульдік өлшем бірлігі 10 см деп алынып, одан іріленген (3 М., 6 М., 12 М., 15 М., 30 М., 60 М.) және бөлшектік модуль өлшемі қалыптасқан.

Сілтемелер

• сәулет

Сыртқы сілтемелер

• [1]
• [2](қолжетпейтін сілтеме)