Мұрат Құсайынов

Мұрат Құсайынұлы Құсайынов (1948 жылы 10 тамызда Жамбыл облысы Қордай ауданында Шарбақты ауылында туған) – кеңестік және қазақстандық композитор, музыкант. Қазақстанның еңбек сіңірген қайраткері (1993). Дос-Мұқасан ансамблінің көркемдік жетекшісі әрі негізін қалаушы.

Мұрат Құсайынұлы Құсайынов
Туған күні	10 тамыз 1948 (1948-08-10) (76 жас)
Туған жері	Жамбыл облысы Қордай ауданы
Белсенділік жылдары	1967 - осы уақыт
Мемлекет	КСРО  Қазақ КСР  Қазақстан
Мамандығы	әнші композитор музыкант
Аспаптары	Фортепиано гитара
Жанрлары	Рок поп
Ұжымдары	Дос-Мұқасан ансамблі
Марапаттары	Құрмет ордені Қазақстанның еңбек сіңірген қайраткері

Толығырақ

Дулат тайпасының Жаныс руынан.

• Мұрат Құсайынұлы 1948 жылы 10 тамызда Жамбыл облысы Қордай ауданында Шарбақты ауылында дүниеге келген.
• 1983 жылы Құрманғазы атындағы Қазақ ұлттық консерваториясын бітірген.
• 1972 жылы Студент кезінде қатарда оқитын достарымен бірге "Дос-Мұқасан" ансамблін құрды.

Шығармашылығы

• 1972 жылы Студент кезінде қатарда оқитын достарымен бірге "Дос-Мұқасан" ансамблін құрды.
• Жас кезінен өнерге, ән-күйге құмар Құсайыновтың бұдан былайғы өмірі түгелдей осы ансамбльмен бірге өтеді. Оның өңдеуімен халық әні «Жайдарман», Абайдың «Қараңғы түнде тау қалқып», А. Жұбановтың «Қарлығаш», Ғ.Жұбанованың «Жыр жазамын жүрегімнен», т.б. әндері жаң шырқалды. Соның нәтижесінде ансамбль халыққа жақсы танылып, абыройы өсті. 1969 ж. Венгрияға барып, Будапешт студенттері алдында концерт берді.
• 1973 жылы Ташкент қаласында өткен бүкілодақтық «Халықтар достығы» фестивалінде 1-дәрежелі лауреат атағын алды.
• 1973 жылы Германияда өткен Дүниежүзілік жастар мен студенттердің Х фестивалінде алтын медальді жеңіп алды.
• АҚШ, Мексика, Ямайка, Венесуэлла елдерінде гастрольдік концерттер берді.
• Ол халық әндері мен белгілі композиторлар туындыларын эстрадаға лайықтап өңдеумен қатар, өзі де музыка жазумен айналысады.
• Қ. Аманжоловтың «Ақын өлімі туралы аңыз» поэмасы бойынша жазылған симфониясы, С.Хасеновтің «Пай-пай, жас жұбайлар-ай», С.Жүнісовтің «Крассворд» спектакльдеріне, қысқа метражды фильмдерге жазған музыкасы, скрипкаға, жеке домбыраға, дуэт, трио, квартетке арналған күрделі шығармалары бар. «Жігіттер жыры», «Бойжеткен», «Ғашықтар әні», «Жар жүрегі», «Сұлулық», «Наурыз», «Құрбым-ай», «Ғашық жүрек», «Болашақ» әндері халыққа кеңінен танымал. 1993 ж. «Әуен» атты дыбыс жазу студиясын ашты. Бірнеше дүркін Бүкілодақтық және Дүниежүзілік фестивальдар мен конкурстардың лауреаты.

Марапаттары

• 1968 жылы КСРОның «Тың жерлерді игергені үшін» медалі;
• 1973 жылы Берлинде өткен Бүкілодақтық жастар фистивальінің лауреаты;
• 1974 жылы Қазақстан Ленин комсомолы сыйлығының лауреаты;
• 1993 жылы «Қазақстанның еңбек сіңірген қайраткері» құрметті атағы берілді.
• 1998 жылы ҚР тұңғыш мемлекеттік мерекелік "Астана" медалі
• «Жыл адамы» сыйлығының лауреаты
• 2002 жылы президент жарлығымен «Құрмет ордені» мен марапатталды.
• 2011 жылы «ҚР тәуелсіздігіне 20 жыл» медалі;
• 2016 жылы елбасының жарлығымен «Парасат ордені» мен марапатталды.
• «Қордай ауданының Құрметті азаматы» құрметті атағының иегері.
• Қазақ ұлттық музыка академиясының профессоры.
• Қазақ музыка өнеріне сіңірген айрықша еңбектері үшін «Астана жұлдызы» Ұлттық музыка академиясының жүлдесінің иегері.