Мұқыр (өзен, Жетісу облысы)
Мұқыр, Мұқанши – Қаратал алабындағы өзен.
| Мұқыр | |
|---|---|
| Сипаттамасы | |
| Ұзындығы | 84 км |
| Су алабының ауданы |
872 км² |
| Су алабы | Балқаш |
| Су ағысы | |
| Бастауы | Шаған тауы |
| Сағасы | Қаратал |
| • Орналасқан жері | Көксу ауылы тұсы |
| • Координаттары | 45°01′14″ с. е. 77°55′43″ ш. б. / 45.02056° с. е. 77.92861° ш. б. (G) (O) (Я)Координаттар: 45°01′14″ с. е. 77°55′43″ ш. б. / 45.02056° с. е. 77.92861° ш. б. (G) (O) (Я) |
| Орналасуы | |
| Ел |  Қазақстан
|
| Аймақ | Жетісу облысы Көксу ауданы |
Басқа мағыналар үшін Мұқыр деген бетті қараңыз.Географиялық орны
өңдеуЖетісу облысы Көксу ауданы жерімен ағады.
Бастауы
өңдеуБастауын Шаған тауының солтүстігіндегі Қызылқора асуының баурайындағы бұлақтардан алып, Көксу ауылы маңында Быжы өзеніне оң жағынан құяды.
Гидрологиясы
өңдеуҰзындығы 84 км, су жиналатын алабы 872 км2. Жалпы ұзындығы 128 км болатын 80-дей саласы мен жылғасы бар. Ірілері: Кемсесия (Жинабай), Шолақжиде, Ақтоған, т.б. Ақын Қалқа ауылына дейінгі арнасы тау шатқалымен өтсе, орта және төменгі арнасы жазық өңірмен өтеді. Ондағы жағалауы жарлауытты, кей жерлері жарқабақты келген. Жағалау бойында, тал, шілік, терек, бұта аралас астық тұқымдас шөптесіндер өскен. Арнасында жыл бойы су болады. Негізінен жер асты және жауын-шашын суларымен толығады. Қазақстан ауылынан төменде өзен Мұқанши деп аталады. Быжы өзеніне құяр сағасындағы жылдық орташа су шығымы 0,2 м/с. Таулы өңірінде Ақтекше а. және жайлауы, қыстаулар (Жылыкүнгей, Қызылбұлақ, т.б.), тауалды жазығында Ақын Қалқа, Қазақстанның 10 жылдығы, Мұқаншы, Қызыларық, т.б. елді мекендер орналасқан. Өзеннен бірнеше су жүйелері тартылған.[1]
Дереккөздер
өңдеу- ↑ АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5