Наурызбай батыр көшесі (Алматы)

Көшеге қазақтың қаһарман ұлы, көреген елші, жоңғарлардан қазақ жерін тазартуда айрықша ерлігімен танылған Шапырашты Наурызбай батыр Құттымбетұлының (1706-1781) есімі (Алматы қаласы әкімінің 23.10.1991 №15/398 шешімі) берілген.

Халық жадында Наурызбай батырдың ерліктері жөніндегі аңыздар сақталып қалған. Алматы-Бішкек және Алматы-Қаскелең автомагистральдарының арасындағы биік төбеде жеті жұлдыз түріндегі гранит тұғырда атта отырған Наурызбай батырдың ескерткіші орнатылған. Көше Алмалы, Жетісу аудандарын қиып өтеді. Бір бағытты көше солтүстіктен оңтүстікке қарай Райымбек даңғылынан басталып, Тимирязев көшесіне дейінгі аралықта созылып жатыр. Мақатаев, Гоголь, Төле би, Қарасай батыр, Абай, Сәтбаев көшелерін қиып өтеді. Бұрынғы атауы - Дзержинский көшесі. Көшенің ұзындығы - 3000 метр.[1]

Дереккөздер өңдеу

  1. Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0