Нағима Замалеевна Хусаинова

Нағима Замалеевна Хусаинова (21 қазан 1911, Қазан - 17 қараша 1971, Алматы) — қазақстандық биолог, биология ғылымының докторы (1958), профессор (1959), 1945 жылдан КПСС мүшесі. Қазан мемлекеттік университетін бітірген (1932). Қазан гидрометеорологиялық техникумында оқытушы (1930-32), Қазан мемлекеттік университетінің ассистенті және аспиранты (1933-35). 1935-60 жылдары Қазақ мемлекеттік университетінің зоология кафедрасының доценті, кафедра меңгерушісі, декан профессоры. Гидробиология және ихтиология кафедрасының меңгерушісі (1961-71).

Нағима Замалеевна Хусаинова
Туған күні	21 қазан 1911 (1911-10-21)
Туған жері	Қазан
Қайтыс болған күні	17 қараша 1971 (1971-11-17) (60 жас)
Қайтыс болған жері	Алматы
Азаматтығы	Ресей империясы→ КСРО  Қазақ КСР
Ғылыми аясы	Гидробиология, ихтиология
Жұмыс орны	ҚазҰУ
Ғылыми дәрежесі	биология ғылымының докторы (1958)
Марапаттары

Еңбектері

Хусаинованың негізгі ғылыми еңбектері су шаяндарының, насекомдардың, моллюскілердің, балықтардың систематикасын, экологиясын, зоогеографиясын және тоғандарда су жәндіктерін жерсіндіру кезінде болатын биоценоздық өзгерістерді зерттеуге арналған. 70 - тен астам ғылыми еңбектері (2 монография) авторы.

Сыйлықтары

• "Құрмет белгісі", Еңбек Қызыл Ту ордендерімен және медальдармен марапатталған.

Қолданылған әдебиет

• Қазақ Совет энциклопедиясы, 1978 жыл, Алматы,12 том, 61 бет