Нығмет Сәбитұлы Сәбитов (19.01.1895, Астрахан губерниясы -12.08.1955, Алматы) - шығыс тілдері мен қазақ этнографиясын зерттеуші ғалым, филология ғылымының кандидаты (1944). Мәскеудің Шығыстану институтын бітірген (1935). Сәбитов 1918 - 1930 жылдары Астрахан облысында халық ағарту, баспасөз және кеңес органдарында басшы қызметтерін атқарған. 1935 - 1936 жылдары Тәжікстанның Оқу-ағарту халкоматында, 1936 - 1937 жылдары Қазақстанның жаңа әліпби жасау комитетінде, 1938 - 1942 жылдары А.С. Пушкин атындағы (қазіргі қазақ ұлттық кітапхана) көпшілік кітапханасында жұмыс істеген. 1942 - 1946 жылдары КСРО ҒA-ның қазақ филиалының тіл, әдебиет кейін тарих институтында аға ғылыми қызметкер, 1948 - 1955 жылдары Тарих, археология және этнография институты директорының орынбасары, этнография секторының меңгерушісі, аға ғылыми қызметкер болған.[1]
- ↑ Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6
