Нұрлан Өтепұлы Балғымбаев
Нұрлан Өтепұлы Балғымбаев (20 қараша 1947 жыл, Гурьев – 14 қазан 2015 жыл, Атырау) — қазақстандық саясаткер, 1997–1999 жылдары аралығында Қазақстан премьер-министрі қызметінде болған.[1]
| Нұрлан Өтепұлы Балғымбаев | |||||
.jpg) Балғымбаев, 1997 жыл | |||||
| Лауазымы | |||||
|---|---|---|---|---|---|
| |||||
| 10 қазан 1997 — 1 қазан 1999 | |||||
| Президент | Нұрсұлтан Назарбаев | ||||
| Ізашары | Әкежан Қажыгелдин | ||||
| Ізбасары | Қасым-Жомарт Тоқаев | ||||
| Өмірбаяны | |||||
| Партиясы | Нұр Отан | ||||
| Білімі | ҚазПТИ | ||||
| Дүниеге келуі | 20 қараша 1947 Гурьев, Гурьев облысы, Қазақ КСР, КСРО | ||||
| Қайтыс болуы | 14 қазан 2015 (67 жас) Атырау, Қазақстан | ||||
| Жұбайы | Нағима Ибраимбекқызы Балғымбаева (Жүсіпбекова) | ||||
| Балалары | ұлы Төлеген (1972); қызы Самал (1977) | ||||
| Әскери қызметі | |||||
| Атағы | запастағы аға лейтенант | ||||
| Марапаттары |
| ||||
| Нұрлан Өтепұлы Балғымбаев Ортаққорда | |||||
өңдеу  |
|||||
.svg)
Өмірбаяны
өңдеуБілімі
өңдеу1973 жылы Қазақ политехникалық институтының мұнай және газ факультетін тау-кен инженері мамандығы бойынша бітірді.
1992–1993 жылдары Массачусетс университетінің тыңдаушысы болды.
Қызмет жолы
өңдеуЕңбек жолын Атырау (қазіргі Маңғыстау облысының Құрық кентінде бұрғылаушының көмекшісі (1964) болып бастаған.
1973–1977 жылдары “Маңғышлақмұнай” бірлестігінде жерасты жөндеу операторы, мұнай шығару жөніндегі оператор, скважиналарды жерасты жөндеу шебері.
1977–1992 жылдары Атырау облысындағы Аққыстау өндірістік қызмет көрсету базасы бастығының орынбасары, “Ембімұнай”, “Ақтөбемұнай” бірлестіктерінің бас инженері, КСРО Мұнай және газ өнеркәсібі министрігінің Бас басқармаларында бастықтың орынбасары қызметтерін атқарды. Одан кейін АҚШ-тың Массачуссетс университетінде оқып, мұнай өндірісінің әлемдік озық тәжірибелерін іс жүзінде меңгеру үшін “Шеврон” компаниясында жұмыс істеді.
1994–1997 жылдары ҚР Мұнай және газ өнеркәсібі министрі, “Қазақойл” ұлттық мұнай-газ компаниясының президенті болды.
1997–1999 жылдары Қазақстан премьер-министрі ретінде қызметін атқарды.
1999 жылдан "Қазақойл" ұлттық мұнай компаниясының президенті, Қазақстан үкіметінің мүшесі.
2002 жылдан ол — «Қазақстандық мұнай инвестициялық компаниясы» АҚ президенті.
2007 жылдан — Қазақстан президентінің кеңесшісі, Каспий теңізі ресурстарын пайдалану мәселелері жөніндегі Қазақстанның арнайы екілі.
2009 жылғы желтоқсаннан бері — «ҚазМұнайГаз» салынып жатқан кәсіпорындарының әкімшілігі» ЖШС бас директоры.
2015 жылғы 14 қазанда Балғымбаев 68 жасында Атырауда қатерлі ісік ауруынан қайтыс болды.[2]
Марапаттары және атақтары
өңдеу- 1-дәрежелі Барыс ордені (1999);[3]
- 2-дәрежедегі Барыс ордені (1999);
- Қ.Сәтбаев атандығы Қазақ Ұлттық техникалық университетінің құрметті профессоры (құрметті ғылым атағы; 2003);
- Астанаға 10 жыл медалі (2008);
- Қазақстан Республикасының тәуелсіздігіне 20 жыл медалі (2011);
- 1-дәрежедегі Барыс ордені (2013).
Әскери атағы — запастағы аға лейтенант.[4]
Дереккөздер
өңдеу- ↑ Қазақстанның экс-премьері Нұрлан Балғымбаев дүниеден өтті Мұрағатталған 28 қаңтардың 2016 жылы.
- ↑ Нұрлан Балғымбаев ақтық сапарға аттанды (қаз.). astanatv.kz (14 қараша 2015). Тексерілді, 14 маусым 2024.
- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, II том;
- ↑ Қазақстан Республикасында кімнің кім екені - 2011. 2 томдық анықтамалық. Алматы, 2011 ІSВN 978-601-278-473-2
{{DEFAULTSORT:Балғымбаев, Нұрлан Өтепұлы]]