Қазақстан премьер-министрі
Қазақстан Республикасының Премьер-Министрі — Қазақстан Республикасы Конституциясына сәйкес атқарушы биліктің (Үкімет) басшысы. Атқарушы органдардың жүйесін басқарады және олардың қызметіне басшылық жасайды[1]. ПМ өзінің бүкіл қызметінде Республика Президентінің алдында жауапты, ал Конституцияда көзделген жағдайларда Парламент Мәжілісінің және Парламенттің алдында жауапты.
Қазақстан Республикасының Премьер-Министрі | |
![]() Қазақстан Республикасының елтаңбасы | |
Басқару түрі |
Президенттік Республика |
---|---|
Ресми резиденциясы |
Үкімет Үйі |
Тағайындалды | |
Лауазымдағы алғашқы қызметші | |
Сайты |
Қазақстан Республикасының Премьер-Министрі:
- Үкімет қызметін ұйымдастырып, оған басшылық жасайды және оның жұмысы үшін дербес жауап береді;
- Үкімет қаулыларына қол қояды;
- Үкімет қызметінің негізгі бағыттары жөнінде және оның аса маңызды барлық шешімдері жөнінде Президентке баяндап отырады;
- Үкімет қызметін ұйымдастыруға және басшылық жасауға байланысты басқа да қызметтерді атқарады.
Үкімет мүшелері өз құзыреті шегінде шешімдер қабылдауда дербестікке ие әрі өздеріне бағынысты мемлекеттік органдардың жұмысы үшін Қазақстан Республикасы Премьер-Министрінің алдында жеке-дара жауап береді.
Республиканың Премьер-Министрі Республиканың бүкіл аумағында міндетті күші бар өкімдер шығарады.
Үкімет жаңадан сайланған Қазақстан Республикасы Президентінің алдында өз өкілеттігін доғарады. Республиканың Премьер-Министрі жаңадан сайланған Парламент Мәжілісінің алдында Үкіметке сенім туралы мәселе қояды. Мәжіліс сенім білдірген жағдайда, егер Республика Президенті өзгеше шешім қабылдамаса, Үкімет өз міндеттерін атқаруды жалғастыра береді.
Парламент Мәжілісі немесе Парламент Үкіметке сенімсіздік білдірген жағдайда Үкімет орнынан түсетіні туралы Республика Президентіне мәлімдейді.
Орнынан түсуді қабылдау немесе қабылдамау туралы мәселені Республиканың Президенті он күн мерзімде қарайды.
Республиканың Президенті өз бастамасы бойынша Үкіметтің өкілеттігін тоқтату туралы шешім қабылдауға және оның кез келген мүшесін қызметтен босатуға хақылы. Премьер-Министрді қызметінен босату бүкіл Үкіметтің өкілеттігі тоқтатылғанын білдіреді.
Қазақстан Үкімет басшылары 1917 жылдан бастап Өңдеу
- Виктор Радус-Зенкович (1920 қазан — 1922);
- Сәкен Сейфуллин (1922-1925);
- Нығмет Нұрмақов (1925-1929);
- Ораз Исаев (1929-1937);
- Нұртас Оңдасынов (1937-1951);
- Ибрахим Тәжібаев (1951);
- Елубай Тайбеков (1951-1955);
- Дінмұхамед Қонаев (1955-1960);
- Жұмабек Тәшенов (1960-1961);
- Сәлкен Дәуленұлы Дәуленов (1961-1962);
- Дінмұхамед Қонаев (1962-1964);
- Мәсімхан Бейсебаев (1964-1970);
- Бәйкен Әшімов (1970-1984);
- Нұрсұлтан Назарбаев (1984-1989);
- Ұзақбай Қараманов (1989-1991);
- Сергей Терещенко (1991—94);
- Әкежан Қажыгелдин (1994—97);
- Нұрлан Балғымбаев (1997—99);
- Қасым-Жомарт Тоқаев (1999—2001);
- Иманғали Тасмағамбетов (2001—03);
- Даниал Кенжетайұлы Ахметов (2003—07);
- Кәрім Мәсімов (қаңтар 2007 ж. - 24.09.2012);
- Серік Ахметов (24.09.2012 ж.-2.04.2014 ж.);
- Кәрім Мәсімов (2.04.2014 ж. - 8.09.2016 ж.);
- Бақытжан Сағынтаев 8.09.2016 - 25.02.2019 ж.);
Кесте Өңдеу
Тағы қараңыз Өңдеу
Сыртқы сілтемелер Өңдеу
- Үкімет торабы Мұрағатталған 7 тамыздың 2019 жылы.
Дереккөздер Өңдеу
- ↑ ҚРК, 5 тарау Мұрағатталған 21 шілденің 2011 жылы.