Олег Григорьевич Дымов

Олег Григорьевич Дымов

Олег Григорьевич Дымов

1946 жылы 4 желтоқсанда Павлодар облысы Краснокутск қаласында туған. Болгар.

Әкесі - Дымов Георгий Константинович, марқұм, 40 жылдан астам уақыт элеватор директоры болып жұмыс істеген. Анасы - Дымова Дарья Григорьевна, марқұм.

КОКП ОК жанындағы жоғары партия мектебін (1976) саясаттанушы мамандығы бойынша үздік; Қазақ мемлекеттік университетін (1998) заңгер мамандығы бойынша бітірген. Халықаралық ақпараттандыру академиясының академигі (2005).

«Тепло Казахстанской земли» (1999), «Мы, народ Казахстана» (2004) кітаптарының; «Струны сердца моего» (2002), «Симфония души моей» өлеңдер жинағының (2006) авторы; «Ассамблея народа Казахстана» (1997), «Депортированные в Казахстан народы» (1998), «Народы Казахстана» (2004) кітаптарының тең авторы.

Орыс, болгар, македон, серб және украин тілдерін біледі.

КОКП мүшесі (1968-1991).

1965 жылдан - Кеңес Әскерінің қатарында қызметте, шекара жасағы бастығының орынбасары. 1968 жылдан - Павлодар облысы Ертіс ауданы «Беловодский» кеңшарының комсомол ұйымдастырушысы. 1970 жылдан -Қазақстан компартиясының нұсқаушысы, ұйымдастыру бөлімінің меңгерушісі. 1990 жылдан - КСРО депутатының көмекшісі. 1991 жылдан - Павлодар облысы Ертіс аудандық кеңесінің бөлім меңгерушісі. 1994 жылдан - ҚР Жоғарғы Кеңесі 3-ші шақырылымының депутаты. 1995 жыл-дан - Қазақстан Халқы ассамблеясы меңгерушісінің орынбасары, меңгерушісі, хатшылығының бас инспекторы. 2008 жылдан бері - ҚР Парламенті Мәжілісі 4-ші шақырылымының Қазақстан Халқы ассамблеясы атынан депутаты, Заңнама және сот-құқықтық реформа комитетінің мүшесі. Қазақстан Халқы ассамблеясының мүшесі (1995 жылдан), Болгар мәдени орталығының төрағасы (1995 жылдан). 6 медальмен, оның ішінде Иван Вазов медалімен (Болгария, 2008); Болгария СІМ «Золотая лавровая ветвь» Құрмет белгісімен (2008) марапатталған.

Әскери атағы - ҚР ҰҚК капитаны.

Діни көзқарасы - христиан.

Саяси қайраткер ретіндегі идеалы - Т. Рузвельт, Ш. де Голль, Н.Ә. Назарбаев.

Қазақстанның болашағы туралы болжамы - «Тұрақты, гүлденуші мемлекет».

Хоббиі - поэзия, аңшылық, балық аулау, саңырауқұлақ жинау.

Сүйіп оқитын әдебиеті - публицистика.

Үйленген. Жұбайы - Дымова Валентина Гавриловна, зейнеткер. Қызы - Андриевская Ольга, педагог; ұлы - Дымов Константин, инженер-құрылысшы.